2009年3月2日 星期一

匯豐供股

匯豐控股公布,截至2008年12月底止全年業績,股東應佔溢利57.28億元(美元,下同)(相當於446.04億港元),較07年同期的191.33億元倒退70.06%,遠遜於市場預期,每股盈利0.47元,擬派發末期息每股0.1元;期內營業收益升1.11%至885.71億元。

匯豐控股公布,按每股254便士(約28.12港元),以每12股供5股方式,籌集約125億英鎊(約177億美元)(已扣除支出),此舉將把匯控資本比率增加150個基點,按備考基準計算將於08年12月底核心股本第一級比率提升至8.5%,第一級比率提升至9.8%。供股價較匯控上周五倫敦的收市價491.25便士折讓48.3%,有關建議仍有待於09年3月19日取得股東批准。匯控稱,供股將強化集團的能力,以處理不明朗經濟環境影響及應付不可預見的事件,有助集團以超卓的財務優勢,掌握未來各種機遇。此外,集團將繼續集中於其核心新興市場及較高增長的業務。

***************************************************************

哩幾個月炒匯豐,買下沽下原來連埋勁蟹嘅"長錢組合"中的匯豐只有2141股,我會選擇全數供股。個男人係咁差嘅經濟環境下搵少咗好多錢,但都好過失業爭落周身債總要老豆阿媽養返轉頭果啲吖!做為一個明事理的女人點都要俾個機會佢。

銀行做為百業之母,經濟一旦復蘇最先炒上嘅都係銀行股(當然目前內銀股好啲)。如果5仔真係跌到$40我會大大手增持。早前賣出果層樓後日收大訂,5月先成交,等住人人心慌慌唔郁我就來大跳特跳啦!小女人亂咁睇,環球經濟睇怕要到2010年初先有起色。

講多少少,就算匯豐要固本培元都總好過五勞七傷果啲投資大行,5仔不過係損手爛腳遮。係豆豉鯪魚兩年內由幾蚊加至十幾廿蚊一罐的日子裏,我認為啲錢應使就要使千其唔好委屈自己,下下都諗住勒緊褲頭過活,果啲叫捱日子唔係生活。即使咩都唔做今日你留起嘅18蚊唔擔保你一、兩年後可以買番罐豆豉鯪魚來嗲。人生最大的遺憾是人死咗啲錢總未使哂,人生最大的痛苦是人未死錢已經使哂,所以做人中庸好緊要。

匯豐股價幾年後會點,我唔知亦都冇人會知,現時食唔落咁多豆豉鯪魚所以我選擇搏一搏養住個男人先,等佢養好身子先做打算。

14 則留言:

  1. 個供股價係好吸引,但我又真係覺得冇咁大隻蛤蜊隨街跳既喎...梗係覺得,有啲危

    咁當然,我呢啲輸家講既嘢,都係不足信既...

    回覆刪除
  2. 米兄:答你果啲寫咗落正文度。唉,輸錢不輸陣,我依加又要去上堂搶錢啦!

    回覆刪除
  3. 今次銀行業是The mother of all crises,ibankers是The Gods of Greed,停止美國業務,$28大折讓供股,睇定d先。

    回覆刪除
  4. 既然系甘, 我都供股啦.....

    回覆刪除
  5. 講真供股對5號仔本身係大好事, 呢種時勢, 誰擁有最多現金誰就是"王", 這種時勢能賤價購得靚貨, 是多少人的夢!

    回覆刪除
  6. $40樓下?好快了, 英國跌破50了, 已經~~~

    回覆刪除
  7. 做你的男人是超幸福的事 XDDD

    供啦...一齊供...

    回覆刪除
  8. 供股無疑係會增強匯控嘅財政能力,但財政穩健唔代表佢嘅生意會好,生意好亦唔代表佢嘅盈利能力會好。

    如果博反彈,冇問題嘅,博吖嘛。如果睇長線,唔一定要買匯控啫,佢嘅生意已經今時唔同往日,冇得話係咁玩消費融資咯。

    如果話 buy 佢哋嘅管理層,咁就更難講。好嘅管理層唔代表佢唔會做錯嘢,匯控今日就話但願從來無收購過做成大錯嘅 HOUSEHOLD...

    咁當然,供唔供股係好個人嘅決定。只係想講如果真係想買股票,係真係要覺得佢嘅前景好得先會做。

    個人覺得,已變質嘅男人,要嚟把鬼!

    但同時好茅盾,都希望佢會變好。因為 MPF 都有佢份嘛。

    Cheers!

    回覆刪除
  9. 已在viking 人處表過態了, 我沒有持有hsbc股票, 但對它的管理層極之失望. 供股本來不是太壞的事, 但timing 錯到離哂譜! 不是錯唔俾機會既問題, 而係幾個月來已經俾兩三次機會, 由渣打宣佈供股開始, 佢都死口話無供股打算!!! 一早供,個股價唔洗跌到咁...........

    我無揸點解都咁勞氣? 佢累街坊丫嘛!

    回覆刪除
  10. 大姐:小弟都寫了一點,請指教!

    回覆刪除
  11. Iris ,thx

    市場維京人 :長線當然好多野撿啦!但都要分散嘛!5仔占我投資組合好少比重jar(依加)我都係樓同現金比例重。

    回覆刪除

淡极始知花更艷,愁多焉得玉無痕。

Related Posts with Thumbnails