2009年3月11日 星期三

解讀《女友三十戒條》

友人說想看看我會怎麼寫"男友三十戒條",講真我認為如果真係愛果個男人根本唔會有咩戒條,只有當愛火冷卻後,當感情重過愛情時,先會去諗大家點樣相處先至係最愜意的。冇乜戒條唔等於冇要求,不如係咁易解讀下《女友三十戒》啦!

>1. 我中意一個小島依人,聽晒我話既女朋友。

對住自己心愛的男人我都幾小鳥依人嘅。係多於兩個人嘅場合一定聽哂你話,兩個人了喎,都係有商有量好啲。如果你要做頭,我唔介意做頸!

>2. 自尊心極強係我既憂點。

男人自尊心強係好事。

>3. 漫畫展係我每年最緊張既節目,我會擔定櫈仔排頭位,妳喺電視新民見到我唔使驚瓦。

中意你咪去囉!不過1)唔可以影響工作2)唔使指意我會陪你

>4. 我唔覺得$10000HKD一隻Action Figure貴。

雖然我覺得好貴,但如果啲錢係你私己咁就冇所謂啦!不過最好呃我話係翻版好平。

>5. 你越無知我越覺得妳可愛。

扮聰明容易,扮無知太難了,唯有唔可愛囉!

>6. 不知進取係每個人既弱點,無人可以怪責我,包括妳。

我唔會怪責你,不過我會離開你。

>7. 我中意既遊戲係Xbox既Halo、Project Gotham Racing、Counter Strike以及PS既WE,妳千奇唔好買Scrabble同Blokus比我。

我唔識哩啲野,你/我生日自己去買,買完俾張單我找數,ok?

>8. 沈迷打機睇慢畫玩Figure唔代表幻稚。

當消遣冇所謂,沉迷了喎,對唔住,我走先。

>9. 我唔會每日打電話比妳,不過我會日日打機。

打咩機先?有啲機日日打好傷身。

>10. 妳見到我打機既時候,要囋我勁。

見到我你總使唔使打機呢?

>11. 如果我遲到,一定係我尋晚打通宵機唔知醒,所以你唔好比面色我睇。

最憎人遲到。不過世事無常如果自己揸車俾15分鐘你緩沖,搭公車俾夠30分鐘你,敬請早啲打電話擔聲。

>12. 我一日打唔爆部機我一日都會情綷暴喿,妳最好唔好煩我。

我唔會煩你,不過會搵士巴拿幫你手打爆部機。

>13. 妳最好唔好叫我去Social,我留番D時間打機上網睇電視訓覺唔好?

你唔善長嘅話叫你去獻丑咩?

>14. 我想妳同我一齊買波衫買波鞋,宜且仲要囋我有眼光。

波衫波鞋我唔識,但美丑總有個基本標準,違背良心的說話我講唔出。

>15. 唔可以唔妥我既豬朋狗友,因為佢地係我飲包食醉以及星其六晚睇英超聯既親蜜戰友。

豬朋狗友唔好要了,龍兄虎弟就差唔多。

>16. 男人睇波女人收聲,叫妳針茶第水妳要聽。

我會幫你準備好點心茶水先至閃,但唔好次次都來我哋度睇,兄弟屋企輪流上先係正路。

>17. 我唔主動嚷坐比老人家唔主動叫人早晨唔講唔該唔講多謝唔代表我無禮貌。

係代表你非常冇禮貌,我會離開你八丈遠。

>18. 我份人好易話為,唔會揀飲習食。出街食飯由妳話事,不過要揀間可以著Graphic Tee同波衫既餐廳,而且埋單要$100HKD有找。

大排檔、快餐店、扒房...睇荷包睇心情睇胃口率性而撿咪好囉!怕麻煩唔中意話事,點菜都最好咪問我,話定我乜都食乜都冇戒口。

>19. 一齊食飯一定要AA制,如果我無帶錢,妳一定要在無人知既情況下過錢比我,唔可以落我面。

唔制!食飯梗係你俾錢啦!不過你放心我會錫住你荷包,絕對唔會/想食窮你。我啲信用卡有折果啲梗係我俾啦!食均港九新界又點話遮。

>20. 餐枱禮儀純熟虛偽。

係虛偽啲但睇餐廳環境有時係必需的。

>21. 我唔介意妳係肥定瘦,不過一定要咸磅。

我介意自己太肥或太瘦,減唔減磅唔到你話事。

>22. 女子以身才為貌,不過都要有樣貌。

都話男人膚淺啦!

>23. 你著套Gucci同我出街我會自俾。

放心我唔舍得買Cucci.

>24. 我向東時如果妳行西,我會即刻叫你去yak西。

唔係床度對住我都你講粗口,我唔睬你。

>25. 我介意妳望靚仔,更介意妳唔比我望靚女。

靚女我都中意望,喂齊齊靚女吖!嘩!個女仔好大波吖!

>26. 我有睇四仔既習慣,妳最好唔好叫我戒。

有咩好介紹?一齊睇啦!

>27. 送超過$100HKD既禮物比妳會令妳陪養出貧慕虛榮既心,我都係為妳好。

唔好送禮物俾我吖!折現得了,多少都照殺。

>28. 我唔介意你開罐頭或煮鮑魚比我食,不過我介意你唔洗碗,因為洗碗係女人既責任。

如果你煮飯我咪洗碗囉!但掉返轉頭就要你洗啦!

>29. 我成世唔拍拖唔代表我係一條溝唔到女既可連蟲,而係我不肖依家香港女仔拜金刁盲既態度。

運氣未到,緣份未來遮。

>30. 如果妳對以上任何一條戒條有不滿既話,我會稱呼妳為「港女」。

我對好多條都不滿喎!港女咪港女囉!當你真正愛上一個港女,自然會自動波叫:寶貝、甜心、蜜糖啦!

19 則留言:

  1. 基本上我係上半部OK下半部唔OK的~
    不過第十七條我勁唔OK囉, 咁有禮貌既人我唔識得點同佢相處~

    等我都係咁易寫下先! 嘻嘻。

    回覆刪除
  2. >>>我唔識哩啲野,你/我生日自己去買,買完俾張單我找數,ok?

    很阿妈帮嗰仔买野feel...

    回覆刪除
  3. 我始終都係好唔中意無風度嘅男人.

    回覆刪除
  4. >1. 我中意一個小島依人,聽晒我話既女朋友。
    >>>>乜唔係鐘意有肉地既女咩 ?

    >2. 自尊心極強係我既憂點。
    >>>即係自卑啦

    >3. 漫畫展係我每年最緊張既節目,我會擔定櫈仔排頭位,妳喺電視新民見到我唔使驚瓦。
    >>>>唔會驚, 不過會call齊朋友笑9你

    >4. 我唔覺得$10000HKD一隻Action Figure貴。
    >>>>唔覺得貴, 只覺得你好低能

    >5. 你越無知我越覺得妳可愛。
    >>>答案同1.

    >6. 不知進取係每個人既弱點,無人可以怪責我,包括妳。
    >>>唔會怪責你,會睇你唔起。

    >7. 我中意既遊戲係Xbox既Halo、Project Gotham Racing、Counter Strike以及PS既WE,妳千奇唔好買Scrabble同Blokus比我。
    >>>o甘既人, 你估有冇女送野比你 ?

    >8. 沈迷打機睇慢畫玩Figure唔代表幻稚。
    >>>沉迷,可以介紹熱線電話比你搵社工

    >9. 我唔會每日打電話比妳,不過我會日日打機。
    >>>>打咩機先?有啲機日日打好傷身。 x2

    >10. 妳見到我打機既時候,要囋我勁。
    >>>>見到先講la

    >11. 如果我遲到,一定係我尋晚打通宵機唔知醒,所以你唔好比面色我睇。
    >>>唔會比面色你睇, 佢會比你睇第二條仔既相

    >12. 我一日打唔爆部機我一日都會情綷暴喿,妳最好唔好煩我。
    >>>>同上。

    >13. 妳最好唔好叫我去Social,我留番D時間打機上網睇電視訓覺唔好?
    >>>同上

    >14. 我想妳同我一齊買波衫買波鞋,宜且仲要囋我有眼光。
    >>>>買衫都要人陪 ? 幾多歲?

    >15. 唔可以唔妥我既豬朋狗友,因為佢地係我飲包食醉以及星其六晚睇英超聯既親蜜戰友。
    >>>睇波都要人陪 ? 幾多歲?

    >16. 男人睇波女人收聲,叫妳針茶第水妳要聽。
    >>>>睇波都要針茶第水?幾多歲?

    >17. 我唔主動嚷坐比老人家唔主動叫人早晨唔講唔該唔講多謝唔代表我無禮貌。
    >>>>>代表你係一條pk

    >18. 我份人好易話為,唔會揀飲習食。出街食飯由妳話事,不過要揀間可以著Graphic Tee同波衫既餐廳,而且埋單要$100HKD有找。
    >>>>>你自己去大快活丫,

    >19. 一齊食飯一定要AA制,如果我無帶錢,妳一定要在無人知既情況下過錢比我,唔可以落我面。
    >>>>擺明想落隔, 正pk !

    >20. 餐枱禮儀純熟虛偽。
    >>>>即係唔識la,無知~~

    >21. 我唔介意妳係肥定瘦,不過一定要咸磅。
    >>>答案同1.

    >22. 女子以身才為貌,不過都要有樣貌。
    >>>終於有句正確答案了。

    >23. 你著套Gucci同我出街我會自俾。
    >>>o甘old cake? 你湊家姐嗎 ?

    >24. 我向東時如果妳行西,我會即刻叫你去yak西。
    >>>>o甘寸 ? 乜西都唔關你事了...

    >25. 我介意妳望靚仔,更介意妳唔比我望靚女。
    >>>>目及得唔得 ?

    >26. 我有睇四仔既習慣,妳最好唔好叫我戒。
    >>>>>即係冇野扑la, 都話大多數電車男係處la
    >27. 送超過$100HKD既禮物比妳會令妳陪養出貧慕虛榮既心,我都係為妳好。
    >>>冇所謂la, 反正會有其他仔送野

    >28. 我唔介意你開罐頭或煮鮑魚比我食,不過我介意你唔洗碗,因為洗碗係女人既責任。
    >>>冇菲傭又冇阿媽幫手, 仲唔洗碗, 學咩人獨居 ?

    >29. 我成世唔拍拖唔代表我係一條溝唔到女既可連蟲,而係我不肖依家香港女仔拜金刁盲既態度。
    >>>>答案見26

    >30. 如果妳對以上任何一條戒條有不滿既話,我會稱呼妳為「港女」。
    >>>>唔會不滿, 條女應該只會笑9你...

    回覆刪除
  5. 哈哈~~好好笑...
    娜姐好可愛!

    回覆刪除
  6. >26. 我有睇四仔既習慣,妳最好唔好叫我戒。
    有咩好介紹?一齊睇啦!

    我笑左出黎呀!!!!

    回覆刪除
  7. 這個三十戒條, 原作者是誰呢?
    好多錯字
    內容幼稚(寫成幻稚)
    連小鳥都變"小島依人"

    評語是:打機唔緊要, 但做男朋友唔識字唔係幾好囉

    回覆刪除
  8. 好仲意妳用士巴拿打爆部機個答案,
    夠率直,夠真性情,夠直接了當.

    回覆刪除
  9. 真喺咁多香港男士鍾意打機?

    回覆刪除
  10. 行行:多謝!我覺得你都好可愛!

    Iris ,玩下啦!幾好玩!


    小瓶子 :年紀大,母性泛濫?!呵呵呵!


    火鶴 :我都係。

    回覆刪除
  11. 篤篤篤撐 :我想知你係以男性定女性的身份來解讀?(好好玩哩)

    阿ta,其實唔係習慣睇,係間唔中都會下咁囉!*.^

    tabo大口仔:火鶴囉!係幾年前寫!錯字係特登嘅,寫嘅都係反話。我見好玩攞來玩下。

    鏡田 :hehe,直接啲慳時間啊!

    eric ,香港男人真係好鬼中意打機!

    回覆刪除
  12. 香港男人真係好鬼中意打機!x 2

    唔通經濟唔好, 連叫雞錢都要慳.

    回覆刪除
  13. 好多人嫌公廁污糟嘛!哈哈哈!

    回覆刪除
  14. >17. 我唔主動嚷坐比老人家唔主動叫人早晨唔講唔該唔講多謝唔代表我無禮貌。

    咁你可以早抖!

    而家好多女仔都好鍾意打機喎kakaka

    回覆刪除
  15. 嗯,有啲女仔打機總勁過男人。

    回覆刪除
  16. 好似上個星期有個電視新聞節目講所謂的港男港女,但點解要搞到大家的目光咁淺窄呢,世界如此大.
    大概只有生活局限於小香港的男女才會如此熱衷討論

    回覆刪除
  17. 係吖!都係眼界問題。

    回覆刪除
  18. 我都覺得你好可愛。

    有自信嘅人曉發光!

    回覆刪除

淡极始知花更艷,愁多焉得玉無痕。

Related Posts with Thumbnails