2009年3月16日 星期一

寧願洗碗



如果我一是要係入邊果間樓上cafe謀生(咪噓住,我知人哋唔會請中女),我寧願入去廚房洗碗,日日對住班咁嘅客溫柔講野,我好快會死,嘔到死。

果林氏兩兄弟做乜鬼將即食麵頂上頭頂呢?唔明。

關於上進心:

林忌 話:「事實上好多人的「上進」,其實就係「錢進」;例如陳冠希果類,冇人要求佢「上進」,因為有錢,就係「俊」。」講得好到肉,我覺得果個月入三萬嘅靚女補習教師都係'冇錢'先咁講野,試諗下三萬蚊要周身名牌食好著好都唔係好多遮...

女人唯有真正'有錢'(即係收入多過支出好多),心裏有足够的安全感(雖然聽落市儈,但卻是現實,係代社會我們的感全感好大部分來自金錢。)先會唔介意個男人的錢途,先會真正在意男人是否有上進心。好多時女人話要搵個有安全感(承擔?)的男人,其實入邊已經有錢的部份係度,雖然女人只會話安全感來自個男人是否專一......

37 則留言:

  1. 果d女僕一定好敬業樂業...

    回覆刪除
  2. 我唔敬業樂業所以做唔到女僕...

    哈哈!

    回覆刪除
  3. 唔好話hana姐姐你做女僕,小詩見到個女侍應用高八度同Peter講:「主人你有咩需要你就叫我啦!」,我都打個冷震!

    可能真係唔同人有唔同需要,我就真係頂唔順~

    回覆刪除
  4. 聽到主人呢個稱呼,我想嘔!唔明點解有D男人會鍾意。

    呢個世界無追唔到女gei男人,只有唔夠膽gei男人。<<<< 痴綫!

    回覆刪除
  5. 欣賞一個男人,包括好多樣嘢,边啲多啲,边啲少啲,真係好難講。

    有啲要靚仔,有啲要大隻,有啲要學問,有啲要風趣,有啲要品味,有啲要叠米...

    但係嗰啲電車男連嘢都唔識講,就最係死症!

    回覆刪除
  6. 真正有钱的女人, 就算找嗰无钱的穷男, 都会害怕世人的目光.

    就好像姐弟恋一样, 当事人一定要有很强的自信, 才能克服这些困难.

    回覆刪除
  7. 女人唯有真正'有錢'(即係收入多過支出好多),心裏有足够的安全感先會唔介意個男人的錢途,先會真正在意男人是否有上進心。

    十級同意,雖然我一D錢都無。

    回覆刪除
  8. 呢個世界無追唔到女gei男人,只有唔夠膽gei男人

    take it to an extreme level, that statement is actually true. We can never doubt the fact that there are some girls that doesn't need to be "chased". You just need to present yourself and she is yours.

    回覆刪除
  9. 我去過果d cafe,查實都幾無癮既
    佢地嗌我做主人果陣,我心諗:幾時可以行駛主人應有既權力呢?

    而且,有睇過SM片既人,都會明白「主人」呢個term唔可以亂用 (笑)

    所以去左一次就無再去喇

    回覆刪除
  10. 唔知覺得女人好麻煩而唔想溝女既算唔萛電車男呢?其實港男都係港女養大既,真正既問題係唔係應該歸咎於社會轉變上呢?

    回覆刪除
  11. 個電車仔PETER同嗰兩兄弟,莫講話女,我見到都想走開...

    兩兄弟個頭,我諗極唔知點形容,「將即食麵頂上頭頂」正到呢......真係仲衰個我人到中坑M字額....

    回覆刪除
  12. >>>好多時女人話要搵個有安全感(承擔?)的男人,其實入邊已經有錢的部份係度,雖然女人只會話安全感來自個男人是否專一......

    安全感對我黎講真絕對係專一, at least 唔好要我煩, 唔好要我擔驚受怕, 錢可以自己搵, 做乜要靠人? 女人唔覺得要靠男人有錢仲無安全感咩? 佢地可能明天遇到個更靚更好身材的女人, no guarantee either!

    回覆刪除
  13. 洗碗? 不如自己做老闆啦.
    我覺得諗到呢條「橋」果個人係天才.

    回覆刪除
  14. i am amazed... by the level of "tolerance" those 女僕 show, seriously~!!! hahahahaha (sorry for my lack of vocabulary XD)

    回覆刪除
  15. 詩白爾 :日日係咁真係會死。

    assenav ,哩個世界乜人都有。

    校長:佢嘅死症係冇錢!如果佢唔係月入8500而係八萬五,總會冇女冇自信咩?

    小瓶子 :我行我素咪唔怕囉!姐弟戀依加同同性戀一樣越來越唔係咩回事啦!

    回覆刪除
  16. assenav ,我指嘅係自給自足有剩餘之嘛!你又靚又叻點會冇呢?(學你媽咪話齋,咁懶嘅女都會幫個男人拖地洗衫就知你係愛情大過天啦!:)

    Desertfox ,哩句說話其實有語病,因即使唔夠膽追如果個男人自身條件差一樣都係追唔到格遮。

    黑人 :見識下都幾好喎!貴唔貴?

    Sunny Chow ,其實一個社會梗係咩人都有啦!我又唔覺真係多港女喎!我身邊都冇乜。

    回覆刪除
  17. 馬沙:總有果個大佬好哋哋做咩唔去搵份正經工做下,業餘先拍下哩啲野玩下咪好囉!

    imak ,你'有錢'所以咪可以真係講心唔講金囉!

    火鶴:啋!我先唔會,我會覺得對唔住人哋父母(侍應果啲),哩啲錢攢咗都背脊骨落。

    秋筆 :歡迎光臨!(嘩19歲後生到呢)

    真係好難頂呀!

    回覆刪除
  18. >>「主人你有咩需要你就叫我啦!」
    咁似AV d女主角, 仲要有d變態o個d喎!

    見到d女僕個樣, 真係.......(打冷震中)

    回覆刪除
  19. 大姐你每頁搞得太長了,若將版面改左例如每十帖一版會好一點。

    回覆刪除
  20. 睇到真係火到o黎o埋!
    o個個peter, 唔知電視台邊度搵到o的咁電車o既人返o黎. 講o野時, 無論內容, 語氣, 姿勢, 都係我身邊點搵都搵唔到o既. 絕對係極品系列. 我唔明點解要推到佢好似typical o既單身港男囉.

    同意hana所謂, 九成以上自信問題純粹係錢問題, nothing more.

    回覆刪除
  21. 經濟活動就只是經濟活動, 沒有什麼貴賤雅俗之分, 老闆見到市場有此需求, 他去滿足市場需要, 填補空間, 職員也只是忠於職份, 做好份內工作, 沒有什麼好不好. 如果這樣都令各位想作嘔的話, 那麼當各位見到那些有人不做卻在大街大巷扮畜牲穿動物衣, 或者片場裡逢人叫大哥的臨記, 辦公室裡對明明恨之入骨的上司卻仍然陪笑陪食說盡好話的向上爬行一族又有何感想呢? 難道換個方式做同樣的事就不算卑賤了? 當然, 手邊有錢的人, 說話盡可以響噹噹, 但還需要伸手乞討工資的我們, 說話能不能厚道一點?

    回覆刪除
  22. 算吧, 上一個就不用貼了!

    (yr 5or 2pd1ao1)

    回覆刪除
  23. 聽到d女叫“主人”果陣好有H Game feel啊(我無玩過嘎!)
    錢真喺安全感組成嘅element之一,佔20%左右啦,至少兩個人唔使憂柴憂米先得嘎

    回覆刪除
  24. 入場費一百蚊。

    牛頭角都有間,有相睇,睇睇辨先。

    亦有『男僕』喎。

    .......個樣.....Um....唔...

    回覆刪除
  25. 老人:點改吖?我唔識!你教我?

    川:你個英文名係咪叫Pe...

    haha

    亦:我幾聽你話,即鏟。

    咁我唔想做侍應做洗碗都一樣無分貴賤遮。

    咪嘈 :占幾多比例各有不同,要睇係咩人生觀嘅。

    匿名:係你度睇咗了并且借咗來用...

    回覆刪除
  26. 登入--->設定--->格式--->顯示,再選每頁可示文章便可.
    我用手機睇你个blog个browser都自动跳出,可能太長用太多手機資源.

    回覆刪除
  27. 嘩,BJ,由msn個舊扑到哩度幾年了你總有睇我亂呃廿四(好感動吖!)

    多謝指導,改咗了,係咪好啲?

    你3月6日$61買嘅945賺咗好多喎!

    講多句:好開心'見'返你(故人吖!)。

    回覆刪除
  28. 呵呵!你寫既嘢咁吸引, 點捨得唔睇啊! 己经到左"唔睇唔舒服"之列.

    正!用我部老爺手機N73睇已唔会自动弹出!谢谢! (唔....數據用量應該都慳返唔少,太好喇!)

    #945都唔係賺好多...避過一次大虧而已.希望佢生生性性.

    我都好开心咁耐後你仲会記得我喎.

    回覆刪除
  29. 點會唔記得吖!你總記唔記得我寫爵士拉麵,你留言話你都食過吖?間鋪總係度吖!

    回覆刪除
  30. 我仲記得你响個舊blog度賣個关子, 我口快快就嗡咗間名出黎.唔知响海嘯下個老細会唔會勤力啲開多幾日工?果時佢开幾日就休幾日.

    回覆刪除
  31. 我又唔係好覺男性自信同錢掛勾喎!

    君不見大把古惑仔身無兩個錢都大把女咩!

    正所謂平有平溝,貴有貴溝呀嗎!唔通身無兩個錢走去溝超模咩!女...夠膽溝,點會溝唔倒?

    當然,自己個LOOK一定要整整齊齊啦。成個電車仔LOOK,一定出師未節身先死啦!

    回覆刪除
  32. BJ,依加個女高過阿媽成日出鋪頭幫手,一個礼拜都要休息兩三日!

    馬沙兄:古惑仔身無兩個錢都會有駕爛鬼車仔入下私油帶條女兜下風先多女吼呀,啲妹妹仔求其有車坐兜下風已經好滿足啦!

    回覆刪除
  33. Hana 姐姐言重了, 阿亦豈敢指示你做任何決定呢, 之前只是一時衝動不吐不快而已. 香港人大體上來說本質都是不錯的, 最低限度在心理上總是希望能平等地對待其他人, 只是在言行上偶爾會傷害到其他人而不自知, 像阿亦那樣就常常說話不經大腦, 衝口而出的無心快語變成了加害者, 很多時, 不是身在其中是不會明白當事人的感受, 我們都太習慣批判別人了吧!?

    Hana 姐姐所持的平等, 跟我心中的平等有很多本質上的不同, 日後有機會我們換個場地再認真討論一下. ^_^

    回覆刪除
  34. 哈,呢句『身無兩個錢都會有駕爛鬼車仔入下私油帶條女兜下風先多女吼呀』又真!

    當年我學師仔,身無兩個錢,睇完天若有情,走去考電單車牌,扮劉華揸架烈火戰車落大清,確實頭規都未除,連我個樣都未睇清楚,已經好多靚妹話要坐我車兜風!

    回覆刪除
  35. 亦:你咪姐姐咁寫啦,我暈啦!換去你個扑度?*.^

    馬沙兄:嘿嘿..

    回覆刪除

淡极始知花更艷,愁多焉得玉無痕。

Related Posts with Thumbnails