2009年3月23日 星期一

男人不知道

男人不知道女人在意他的收入多寡是愛上以前的事,女人一旦真正愛上某個男人并不會介意他薪水的高低,當愛情遂漸變成感情的時候才會再次緊張他的收入。

男人不知道當女人真正愛上他的時候,根本不捨得讓他做負擔不起或者負擔起來很吃力的消費的。

男人不知道當女人真正愛上他的時候,根本不捨得他加班至零晨,就算有倍半的加班費,女人寕願節衣縮食也不想男人這樣子攢更多的錢回來,就算他是個胖胖的傢伙。

……

現代人究竟有多少人懂得什麼叫愛情呢?

港男港女的症結倒底在哪兒呢?他們似乎都想逾越愛情,因為他們在尋找的不是愛情而是婚姻。


延伸閱讀: 婚姻合作社

25 則留言:

  1. 男人不知道女人在意他的收入多寡是愛上以前的事 <- 問題係第一步!

    回覆刪除
  2. 問題係踏出咗第一步之後嘅野男人唔明嘛!成日覺得要盡哂力嘔埋血先氹到個女友呀!

    回覆刪除
  3. 娜姐:

    你直情講中晒一個女人愛一個男人時侯既心情. 情願見多d都唔想佢成日加班. 如果要加, 一係陪佢一齊加.

    回覆刪除
  4. 寫得好, 好多男性都唔知"根本不捨得讓他做負擔不起..."

    回覆刪除
  5. 要男人唔諗將來唔諗結婚幾咁易
    通常係女人唔得啫
    尤其是開始老的女人

    回覆刪除
  6. 大口仔最鍾意呢句 -> "因為他們在尋找的不是愛情而是婚姻"

    太多例子了....女人真係咁驚過左30歲先結婚咩?

    回覆刪除
  7. 行行:除咗想見多啲,我會真係唔想佢咁操勞、唔夠瞓囉!

    mingmanfred ,係吖!之前小瓶子有篇文話個男仔死慳儲咗成年錢買咗隻愛馬仕袋俾女友,個啲女主持話好感動(?)喎!

    癲?

    Adam ,開始老通常係急啲啦!好似我哩挺夕陽西下嘅就有閑情逸致睇落霞囉!

    大口仔:會係!

    Morca,嗯~嗯~嗯~

    回覆刪除
  8. 仲有,記得你話過想知你個BLOG會出咩GOOGLE廣告,我想問點解咁多"生髮廣告"既?KEKEKEK

    回覆刪除
  9. (因為他們在尋找的不是愛情而是婚姻。)
    一語中的,太多人將愛情和婚姻之間畫了等號,
    可惜二者之間的又沒那麼直接.

    回覆刪除
  10. 都是男女都不知道,但似乎係女人不知道多啲。

    [ 因為他們在尋找的不是愛情而是婚姻...]

    不單止是婚姻,而是一種泡沫。

    [港男港女的症結倒底在哪兒呢?]...

    就快會用新的方式去講講呢個問題。

    回覆刪除
  11. 好一句"他們在尋找的不是愛情而是婚姻"

    隨即想起這一段歌詞:
    "為何繼續戀愛
    皆因想找個老伴同渡過將來
    可會只因要對父母當作交待
    然而事實你與我也許只因解決晚飯才互愛"
    ----李克勤 "嘆息門"

    究竟是婚姻是戀愛的目的還是過程?

    究竟戀愛是不是只為了找個
    (沒有血緣關係)人和自己一起生活?

    回覆刪除
  12. They are just finding 長期飯票

    No love at all

    回覆刪除
  13. 最後一句,畫龍點晴!一語道破。

    回覆刪除
  14. 大姐:第一步都成問題;

    大口兄:小弟度都係,可能我版面"老"字太多!

    回覆刪除
  15. 大口仔 :我都想知吖!會唔會我頭髮多想暗示我係成功生髮人瓣呢?

    鏡田 :對呀,根本沒什麼大關係。

    匿名:快啲寫,等住睇。

    飛蚊導彈 :戀愛和婚姻真的沒必然關係。

    Jean,抱住哩種心態又點會搵到好對像吖!

    余若虛 :嘿嘿,所以講咩電車男宅男都係多餘。

    回覆刪除
  16. 老人:我明了,我都老吖嘛!哈哈。

    我同個朋友講Peter仔24歲人攞八仟五人工都唔係好少遮,就算大學畢業都22歲囉,工作兩年哩個人工都正常!如果啱feel我會愛!但如果個男人三十幾歲都係八仟五人工嘅就真係愛唔落手了,因為真係冇上進心冇進步過。就算做廚房識為將來打算嘅,十年人工、職位點都翻倍上啦!

    回覆刪除
  17. 只可說, 現在的功利社會裡...真正愛一個人是不容易...

    回覆刪除
  18. 有個女仔開頭唔睬我,但係當佢知道我買咗樓之後,即刻擒埋嚟,咁恐怖既生物,唔好攪我!!!

    回覆刪除
  19. 我覺得尋找婚姻其實唔係問題,我都係搵緊婚姻而唔係愛情。因爲我真係唔識好似其他女人般對男人死心塌地。

    問題係,我都認爲某D女人既唔係搵愛情又唔係搵婚姻。因爲如果認定對方係丈夫人選,就會對他如親人一樣,關心他愛護他,好好架。

    回覆刪除
  20. 其實 peter 仔睇番佢中學畢業,做電腦維修,八仟五係咁上下喇,搵幾多錢都要睇番學歷、職業性質,咁當然整電腦同炒股票炒樓又唔可以相比。

    而且搵幾多,又要睇下當時社會環境如何,在金融大海嘯裁人潮下,唔好講話八仟五,工都可能無得撈.....

    不過好衰唔衰,搵個月入幾皮嘢嘅補習導師來比較,咁無得比啦。

    回覆刪除
  21. 男人不知道?其實係男人並不一定有幸遇上真愛他的人。正如女人也並不一定有幸遇上真愛她的人一樣。

    回覆刪除
  22. 1) 如果我叫港女做"姐",已比人一腳伸落海!

    2) 你以前講得好arm, 港人係睇適合而不是鐘意,所以呢,講條件好重要。話唔計較收入,是假的。

    3) 不一定是尋婚姻才要講條件...

    4) Manhood 好重要,Peter仔缺的不是錢,是自信同 Manhood

    回覆刪除
  23. lrx ,冇法了人生在世飲啖水食啖飯搭程車...咩都係錢...

    Sunny Chow ,佢啲戲真係屎。

    assenav ,靚女你果隻係被人質低嘅潛力股來嘛,所以我覺得你係愛情婚姻一齊搵!同齋搵婚姻嘅唔同,個格高好多喎!

    匿名:咪係囉!今時今日24歲仔搵八仟伍唔算太差!我公司個boy25歲都係搵七仟五遮嘛!

    校長:係!轟轟烈烈愛一場嘅更加係難上加難。

    老麥 :係吖!如果想生仔嘅更加係唔講都唔得了,想個BB過好啲點都要有返咁上下負擔能力。

    回覆刪除
  24. 真係講中晒...遇上好上進的對方, 對方ot時第一件想到的是對方會因為咁而傷害到自己身體, 首先是覺得心痛, 反而陪唔陪到自己是後話

    回覆刪除

淡极始知花更艷,愁多焉得玉無痕。

Related Posts with Thumbnails