2009年3月3日 星期二

說閑話

我是個八卦的普通小女人,會和親近的人講別人閑話。雖然我很敬重那些從不說別人閑話的道德高人,但我卻一直無意改變自己的不高尚。

幸福女人蘋果在 鏞記一夜 中提到「縱使他們是超熟落,卻沒有說過任何人半句閒話,談話內容充滿智慧及正能量,叫我更相信世界的美好,都是為正面的人而存在。 」我想說超熟絡不代表親近,在那種場合(還有第一次見面的人呢!)誰會說人閑話呢?說閑話的時候通常都不會是超過三個人的場合,兩個人的居多,人一多大家都慎言,始終人心隔肚皮嘛!

人是群居動物但又各思己見,生活中總會碰上各式各樣的人,正如有些人喜歡我們有些人不,我們對別人也會有各自的喜惡。找個親近的人說說別人的閑話是心理减壓的一種方式。但是說閑話也應該有分寸,這裏說了這裏算是做人最基本的道德要求,所以說的對像也就非常重要了,如果我曾經和你說過別人的閑話,肯定是我認為你值得信賴不會搬弄(當然有時也會跌眼鏡),要不然就是我們极度親蜜。當然如果你告訴我很欣賞某某我還是會幫你一字不漏地搬到某某面前的,好話怎麼搬也不為過的。

會說別人閑話的人比較少會患憂鬱症,是是非非都有渲瀉的途徑不用悶在心裏,人也容易開朗。有沒有人從不說人閑話之餘,還欣賞、喜歡每一個人甚至惡人?有的,德蘭修女應該是的,我很崇敬她的。

21 則留言:

  1. 唔讲有时候会爆炸架...哈哈哈!!!

    回覆刪除
  2. 我見唔少人真係會唔講,但相由心生嘛!唔講出來都feel到佢心諗咩,我覺得哩啲人好假并且會同情佢。

    回覆刪除
  3. 我會好 enjoy 兩個平時唔會點講人閒話嘅人偶爾一齊去講吓人閒話,特別覺得過癮架!

    通常講到咁上下,我都會講一句話:哈哈,你睇,我哋又好似八婆咁喇!然後大家都一齊開懷大笑!(講開又講,同我一齊講得人閒話嘅,多數都係男仕黎個喎。)

    回覆刪除
  4. 說閒話有正面社會丐能:
    1.保持心理建康
    2.令小圈子同道人更加親密
    3.有助社會發展主道道德觀念
    eg, 阿邊個邊個借左我本penthouse唔還, 正一hamwet仔>>>>借野唔還係bad behaviour, penthouse係好野來的, hamwet係bad behaviour...

    所以, 一定要講閒話, 建港救港, 淫賤救國...!!!!

    回覆刪除
  5. 娜姐:

    你講得岩. 只要講說話有分寸, 發"勞蘇"對象又抵得諗聽我呻, 我想都係一個好既排洪方法.

    回覆刪除
  6. >>有沒有人從不說人閒話之餘,還欣賞、喜歡每一個人甚至惡人?

    我...唔知得唔得呢?

    惡人不一定衰,衰人我就不會放過,罵佢一個反艇!

    回覆刪除
  7. 我覺得講些少閑話(其實即係是非啦)嘅人,心理上會較為平衡,總好過有啲道德高地人,好似好沉默,但你唔知佢心點諗,同樣道理,個款成日笑笑口『係嘅係嘅,好好好』果種,又可能係個心同個樣兩回事。

    講閑話亦係自己對事物嘅一種分析,咁當然,過份講閑話就係八掛。但要分清楚『閑話』同『唱衰』。


    況且,做人下下都要『談話內容充滿智慧...』,咁樣做人好辛苦嘅,但我明白有唔少人好 enjoy 呢樣 Style...

    回覆刪除
  8. 小弟在那留了幾句,但似乎被「河蟹」了,希望在此不會又被大姐「河蟹」多一次吧!

    文中有兩句令小弟極不滿:

    "菜單是甘老闆寫的,推介的名菜跟平時大家會去吃的大不同"

    鏞記嘛,我有去過。當然大姐都知道小弟不但外貌長得非常John Candy、衣著更是「中大Look」,怎樣看也是窮光蛋一個,自然沒有大老闆特別照顧,所以亦不願再到有分"樓上樓下"的地方自取其辱(相反,同一個Look的小弟到福氣也沒受過這鳥氣)!

    小弟自是蛋散,但似乎有點名望的劉健威也吃過虧!可不是小弟老作,試看他老兄在2008年12月30日信不信由你報云:

    「Jean-Luc還對香港的食肆作出含蓄的批評,他說,有些小食肆的出品不錯,但水準不穩定,而另一些食肆,對不同的客人有不同的對待...

    將顧客分等級,不同待遇,這樣對顧客不公平,對食肆的聲譽也不好,但食肆老闆竟不加反省,反而質疑評審員是否嘗到其「上等」出品,思想偏差到什麼程度?」

    所以小弟已不去鏞記多年,亦不打算再到「河蟹」了我的地方留言。

    (Sorry被人「河蟹」了心情不好語氣可能重了點!)

    回覆刪除
  9. 呀美人,

    講閒話, 好吖 !! 正如妳話齋, 可以較少會患憂鬱症; 最重要懂輕重嘅嗟, 如果講得角度好, 那就是談笑式的開心話題嚟, 增加朋友間的感情添 !!

    若太 mean 去「無中生有」攻擊他人就唔好, 會有好歹毒的報應, 可能生仔會多隻 pat pat...咁就大件事咯 !!

    所以過客認為講他人要過到自己嘅良知 (當然有啲人是"無"的) !!

    又多嘴搭嗲嘅 過客

    回覆刪除
  10. 補多腳:劉健威冇開名,但睇埋E頁下面你估佢講邊間(而且米芝蓮上榜既有幾多間唔止一層樓,一計E樣用排除法即刻唔見左一半)?

    http://appledaily.atnext.com/template/apple_sub/art_main.cfm?iss_id=20081205&sec_id=38165&subsec_id=38329&art_id=11931157

    回覆刪除
  11. 小朱:
    >哈哈,你睇,我哋又好似八婆咁喇!
    哩句我次次見親三點都講!(查實我見過佢三幾次jar)

    篤篤篤撐 :係囉!(你個friend買咗琴未吖)

    行行:最緊要聽/講完就算唔好搬來搬去。

    校長:嘿嘿,你得唔得要問二夢,我又未試過。

    大文兄:乜唔係八卦先會講閑話咩?

    回覆刪除
  12. 老人:車,做咩心情唔好遮,我果句"超熟絡不等於親近"的留言都沒貼出來呀!你俾人「河蟹」咗咩啫?冇頭冇尾都唔知你講咩?

    中式食肆對熟客好啲都無可厚非嘅。我前兩年成曰掹車邊去鏞記的樓上食飯,幾乎次次甘生都陪座,但我見佢對眼唔知點咁,硬係覺得佢總市儈過我。

    反而阿一做生意呢生熟通吃,無論你咩身世只要你使得起錢,點菜、影合照、拍膊頭打招呼永冇托手踭,所以啲自由行豪客好中意去阿一度。

    過客:來來來,快啲同我講下。哈哈!

    回覆刪除
  13. Hana 你好!

    >> 曾經和你說過別人的閑話,肯定是我認為你值得信賴不會搬弄(當然有時也會跌眼鏡),要不然就是我們极度親蜜。

    >>好同意啊! 對不值得信賴或不親蜜的人說的是是非...辦公室內就有很多這類人!希望講完給你知會有笨人出口 fw 出去...朋友間遇上這情況時真的大跌眼鏡時...祗好以後帶眼識人小心擇友吧!

    回覆刪除
  14. 不過呢.....就.....生果果個專欄呢,我個人覺得,當 funny 睇下消閑 ok,唔好太相信個作者說話,因為呢類專欄,其實係好 Marketing oriented ,會常用誇張嘅生活體驗嚟吸引人。

    作者好醒目,唔會寫『福臨門』而寫『鏞記』,因為鏞記最易寫嘛,好多人無去過但又好似好羨慕咁,至於作者就算真係去鏞記食飯,亦唔係咩一回事,而家講特色都唔係鏞記喇(或者報紙收左鏞記 $$$ 賣招牌都唔出奇 ~)


    --名牌醫生(據說擁有十架法拉利)...

    以上呢句,係一個 strategy,好順口就講『十架法拉利』,點解唔講 2架 Benz 4架 BMW 3架 7 人車,隨口講就有十架法拉利。

    佢寫食物形容果堆文字,寫得好低手,『炒得好香...』『新鮮呀...』『這裡的白糖糕一級棒,做得鬆軟如棉,沒半點酸』<---好多地方都做得唔酸啦,但鏞記賣點唔係呢樣嘛。(新出配方嘅糖係唔會酸嘛)


    鏞記嘅生炒糯米飯,賣點唔係作者形容『炒得好乾身呀』,亦唔係 sell自家臘味,而係鏞記果種製臘味獨家配方,同埋班師傅果種古法『飛炒』、同玩個火喉。


    [湯是人參燉野雞。野雞勝在夠瘦,燉出來的湯清澈如水 ...]

    呢位作者阿姐,形容靚雞湯,唔係講隻雞夠瘦,亦唔係『清澈如水』,如清水駛鬼你飲咩。雞湯靚唔靚係要寫佢嘅:色、配料、味道有無『名貴上品風範』,點樣飛走肥油、同埋用乜嘢材料襯果隻雞。


    呢個專欄嘩眾取寵。

    (不過我都好明白生果報佢地計好左有幾多讀者至整呢個 style)

    回覆刪除
  15. 校長:回味緊?

    the8,同事之間真係唔可以亂講人閑話!我連聽都盡量避免。

    匿名:我諗你誤會咗了,哩個女扑架係某美容網站編輯,唔係專欄來!佢寫啲美容資訊好好睇!咁佢又唔係專業食評家就咁同博友分享日常所見所聞都ok啦!

    回覆刪除
  16. 十二金釵與貝多芬 魚翅和魚蛋粉
    各有擁躉愛惡始終由人
    哪個高級哪個草根 誰有權來區分
    故意去作狀扮型太拘謹 
    只懂跟風不思索笨得很



    盲摸摸但係又長篇大論兼話人嘩眾取寵其實自己先係o既野孩子上

    回覆刪除
  17. 魚翅和魚蛋粉我都中意喎!

    回覆刪除
  18. 唔好意思呀, 我想虛心請教明光社Fan屎: 早前响度話我果個匿名係講我『閑話』, 抑或係『唱衰』我呢?

    哎吔, 中文好屎呀我.

    回覆刪除
  19. (拍手拍手拍手)
    超級認同!!!
    真小人好過偽君子。
    我自己呢有個原則,我夠膽在對方背後說的,亦唔怕當面同佢講。

    回覆刪除
  20. 嗱嗱嗱,我有係三點面前講過你吖!唔怕講多次俾你聽,我話你同佢一樣都好真,我好中意你,咁囉!

    回覆刪除

淡极始知花更艷,愁多焉得玉無痕。

Related Posts with Thumbnails