2009年2月4日 星期三

鏡裡花

金融海嘯之下似乎人人自危、緊張,活得唔痛快,但有米計數佬話 香港人仲好有錢 ,中小企老版闆渣沽兄又係水中月 度心思思話想今年買層太古城收租,我哩個俾友人話八足咁多爪嘅中女望住塊鏡諗緊趁平換駕四驅車來揸。鏡中總有個自置(即係冇按揭)新界單位今日開始動工翻新,問塊鏡,裝修完究竟賣好定出租好呢?

07年尾周圍都好似好好景時,我寫過話個市好唔代表自己好,依加用返同一句說話就係個市唔好唔代表你自己都唔好!當然市道好機會係多啲,但每個人自身的命格運氣同市道係無關係喎!記住哩一點我哋就唔使俾報紙佬點得暈酡酡又唔安樂啦!

山不轉路轉,路不轉人轉,人不轉就心轉好了。

12 則留言:

  1. >>裝修完究竟賣好定出租好呢?

    娜姐會否考慮做下善事,例如收留一女二狗三十鞋呢?

    kekekekekekekek

    回覆刪除
  2. 話明新界點啱你去LKF吖

    回覆刪除
  3. 成日都咁好運既 hana 大師

    我係馬仔, 今年(又)犯太歲
    有冇好提議呢?

    回覆刪除
  4. 好羨慕呵,有大屋等裝修,唔洗供樓,唉唉,娜姐係得嘅!

    回覆刪除
  5. 想換RX240? 唔驚你d學生家長壓你學費? 買左車借黎渣下喎.

    回覆刪除
  6. 羊儿今年好似未衰完...哎!!!

    回覆刪除
  7. 經濟數字好唔好的確同平民生活質素未必成正比,早幾年所謂"好"只好在GDP,加埋堅尼指數就知多數香港人生活有冇好過;

    都係錢其琛好野,一早預言香港無可奈何花落去!

    回覆刪除
  8. 匿名 :我衰到貼地果時你唔知遮。

    音語兄:係吖!壓學費? 已經來料啦!事關我慣咗年初一開始載我果隻鑽石金勞至元宵,旺一旺佢,尋日唔記得咗件衫袖短咗啲,即刻有個學生媽咪話我富貴,叫我打個九折喎!所以都係心大心細。

    小瓶子 :你要信會好先至會好。

    火鶴 :hehe,我有零用錢嘛!

    若缺齋老人/陳潢:係吖!

    回覆刪除
  9. 原本真係財不可露眼.

    另外, 其實你d學生家長點諗架? 究竟佢地俾仔女學琴想唔想佢學得好乜? 所謂名師出高徒, 如果老師係好, 又何必講價? 要平搵個渣d老師咪得囉!

    回覆刪除
  10. 音語兄:講真學到咁上下,有料定冇料,有機定冇機,大家一早心知肚明,所以好多家長都係抱住唔好哂咗咁多年嘅心態想仔女考到八級就算。

    我唔係名師,但我至叻幫家長慳錢,催谷學生快快趣考埋八級是我拿手好戲,但分數通常唔會高,120左右啦!哈哈!

    回覆刪除

淡极始知花更艷,愁多焉得玉無痕。

Related Posts with Thumbnails