2009年2月7日 星期六

沒有誰永遠好運

你相信雨後會有彩虹嗎?如果你相信你就會有機會看到,但是如果你不信,那麼你一定不會看到,因為當彩虹出現的時候,你早已別轉頭去了。

這兩年開始越來越相信面相之說,對生肖運程、時辰八字有越來越多的不确定。試想一下,一個時辰兩個小時,兩小時內全世界出生的人何其多,擁有相同八字的人真的命運大同嗎?我不确定,但是面相來說就算是長得一個模樣的雙胞胎,五官上、氣色上還是會有細微的差異。

我的額頭淺窄少年運不好,所以在很年輕的時候連續幾年都頭頭碰着黑,衰到貼地,經歷的事情都是現在的小女生會死幾十次的大變故和打擊。只要堅信會過去的,一切都會過去的,放眼未來,想像未來的美好,終有一天你會看見屬於你的彩虹。即使窮盡一生也等不到雨停的話,在等待彩虹的過程中也已經享受了想像的美好,總好過一生都在和雨共唱衰怨的歌。

這個世界沒有誰會一世好運的,就算那些擁有無盡財富的富賈巨商,旁人覺得他們一世好運無憂,其實他們也會有自身相對的不好運階段,只不過層次不一樣而已。而這種不好運一樣會困撓他們的心神,渡過難關靠的同樣是自身的正能量和毅志。

我的將來大概不會太差,但即使好運不再的話,我也會掉轉頭想,行了好些年的大運了,享受過很多了,誰說不能靠着回憶活下去?回憶是我們人生中最大的財富,因為只有回憶是我們可以帶走的東西。所以無論將來怎樣,我都會快樂地生活下去。我們無從選擇命運,卻可以決定自己的生活態度。

21 則留言:

  1. "我們無從選擇命運,卻可以決定自己的生活態度。"

    很喜歡這一句. 也覺得這一篇與之前的"鏡裡花"有點相呼應呢.

    很多事都是由自己開始的.

    回覆刪除
  2. >>我的額頭淺窄少年運不好

    吓原來咁架?我都係喎﹗但何解中年都到囉仲未轉運既呢?

    回覆刪除
  3. 八字其實比面相重要,就算同時出生的二個人,
    以男女分就已不同看法了..還會出現大運上順逆排的分別,不同大運行.出來結果就完全可以翻轉.如果再加上地運.後天等大環境分別.就更繁雜.
    不過,這些八下就好,我都係讚同妳最後那句

    回覆刪除
  4. 咿.. 衰人吖, 我正想寫D關於紫微斗數嘅嘢.

    回覆刪除
  5. 作者已經移除這則留言。

    回覆刪除
  6. 以我所理解,一個人的氣數,是要看三十歲打後。三十歲前的運數,可以和三十歲後截然不同,三十歲是氣數的分界線。

    例如有些人孩提和少年時,家境小康和多人寵愛,但不代表他/她三十歲後仍然是行好運。相反,有些人少年時際遇不佳,到三十歲後會突然變好運。

    然而,有些際遇不佳的人,很大程度上是性格使然,或自己的一些行為令自己陷入悲劇之中。

    當中包括很多現時人們很信俸的悲劇浪漫情緒、凡事喜歡那種戲劇式的『動容』、『窩心』、『感動』、『脫俗』這類 sell 眼淚 sell 刁轉的悲劇孤雛情懷,於是對每一件事物,總會努力尋找悲劇原素,或要『刁轉化』,就令自己長期處於不開朗的情緒。

    回覆刪除
  7. KaLam ,這句是我的座佑鉻,有時候性格可以决定命運。

    鎚 鎚 :嗯,男仔遲熟吖嘛!就來啦!

    鏡田 :都怪我講得唔清唔楚,我係話同性啊!(加埋先)我有個舊同學八字同我完全一樣,但依加居無定所、顛沛流離、爭人周身債好鬼淒涼,佢個樣同我對比好大!

    若缺齋老人/陳潢 :我都信業報。

    火鶴 :耶,衰鬼,我都好信紫微斗數!最準就係佢了,快啲寫啦!

    小瓶子 :你想唔想看彩虹吖?你信你會睇到你就會睇到啦!使乜要人哋指點方向吖?即管向前望...

    匿名 :三十歲開始行眼運,而眼神可以由自身做主,所以理論上你的講法亦講得通。

    回覆刪除
  8. Hana:

    做乜咁大感觸?

    有欲則有求,有求便或有失。擁有是喜,卻又怕會失去。人生的顧慮與愁苦便由此而起。

    所以,我從來不覺得有錢人會特別快樂。

    寡欲的人才快樂!

    回覆刪除
  9. "放眼未來,想像未來的美好,終有一天你會看見屬於你的彩虹"

    I believe, therefore, I am.

    Cheers!

    回覆刪除
  10. 好運衰運日子都係咁過, 怨天怨地有乜用! 不過人始終八卦, 如果我知道黎緊o個年唔太好,我都會避忌o下, 起碼心理上好過d!

    回覆刪除
  11. 這陣子正在為孩子取名, 所以也讀了幾本八字書, 讀歸讀, 卻沒甚研究的. 至於面相嘛, 相由心生是錯不了的, 多行好事, 人都靚D好運D呢.

    回覆刪除
  12. Tag U:

    Rules:
    It's harder than it looks! Copy to your own note, erase my answers, enter yours, and tag twenty people.
    Use the first letter of your name to answer each of the following questions. They have to be real...nothing made up! If the person before you had the same first initial, you must use different answers. You cannot use any word twice and you can't use your name for the boy/girl name question.

    1. What is your name : Betty

    2. A four Letter Word : Best

    3. A boy's Name : Bryan

    4. A girl's Name : Bessie

    5. An occupation : Bartender

    6. A color : Brown

    7. Something you'll wear : Bra

    8. Something you'll do : Bullshit

    9. A food : Bread

    10. Something found in the bathroom : Baby oil

    11. A place : Berlin

    12. A reason for being late : Bath

    13. Something you'd shout : Better fuck off

    14. A movie title : Beauty and the Beast

    15. Something you drink : Bloodymary

    16. A musical group : Beyond

    17. An animal : Bird

    18. A street name : Baker street

    19. A type of car : Benz

    20. The title of a song : Because I love you

    回覆刪除
  13. 校長:冇咩大感触吖!係阿靚鎚問起點解我成日都咁好運?先寫下鼓勵下遮。

    >我從來不覺得有錢人會特別快樂

    我從來不覺得有錢人會特別不快樂。

    市場維京人 :Cheers!

    行行:點避忌先?有時好難避!有啲野唔知反而好過知。

    火火:好耐冇見啦!好掛住你吖!細佬個幾多大了喎!09年對你來講真係嶄新的一年,祝你事事順境!

    小瓶子:我有兩個名喎!規定字頭又要答自己的喜惡,好難表達真正的自己喎!答案唔係第一選擇,點搞?

    回覆刪除
  14. 有錢人是否特別不快樂? 老實講,由『不有錢』的人去猜測,係多餘,點知人地必定不快樂呢?又老實講,無錢呢,雖然唔一定不快樂,但會好容易陷入不快樂囉,乜都要錢嘛,錢未必萬能,但在香港,錢其實都幾萬能,而無錢,就必定萬萬不能。

    又嚟『清心寡欲』呢套清教徒人生觀,乜乜『人到無求品自高』、『吃得苦中苦方為人上人』,『在痛苦之中成火鳳凰』、『捱盡苦頭盡顯生命之甜味』,大佬,come on ,我唔覺得幾十年前無書讀捱穿膠花細路無褲著的『獅子山下』年代有咩好,時代進步,由上左岸嘅人去叫人吃苦寡欲,講就講得口響,不如自己再『回味』先囉。

    回覆刪除
  15. 唉,我都冇講過有錢人會特別不快樂!

    我又冇講過冇錢人(不一定是窮人,只是相對於有錢人而言)特別快樂!

    像我不是有錢人,但也不算是窮人。

    匿名你真係經歷過 [幾十年前無書讀捱穿膠花細路無褲著的『獅子山下』年代]?

    有啲混淆咯,無褲著係五十年代,穿膠花係 六十年代,七十年代基本上有書讀架喇,『獅子山下』經已係香港經濟嘅轉角起飛階段咯!

    寡欲是一種心態,修佛的人最清楚。

    回覆刪除
  16. 匿名你真係經歷過 [幾十年前無書讀捱穿膠花細路無褲著的『獅子山下』年代]?


    咁又點嗟,講來講去都係『你試過未呀、你試過捱苦無飯食未呀』,我未真正試過,正如我都未試過坐監呀、吸毒呀、打劫等等,亦正如我有幸未試過『屋企無飯食阿媽去做雞老豆有肺勞家姐要賣血』,咁又點呢,但唔代表我唔理解乜嘢叫做窮。

    時代有得進步的話,我唔認為以前一毫子碗雲吞麵時代的『一家七口住板間房個個無書讀隨街走無褲著』係有咩值得『生命的回味』。

    當見人有得選擇,有得享受,人望高處,只要不是傷害人,我唔覺得有咩錯,你可唔可以做校長人工減 70 % 呢?係囉係囉,唔好啦,自己錢嘛,點寡得呢,係咪?

    一個人要快樂,係性格決定情緒,而情緒又影響命運,例如有個人睇乜都邪惡化,咩事都認為係悲劇,老實講,寡唔寡欲,呢個人都唔會開心,寡欲只係逃避現實和美化自己性格嘅借口。

    回覆刪除
  17. 哎吔,點解啲人咁鍾意監人乃後嘅!

    我唔係話你未試過,我只不過話你混淆咗年代特色啫。

    所以你一大串 [你試過未呀,你試過未呀]都唔係我講架。係你自己講,唔好兀比我。

    [生命的回味]?我又冇講過噃。同減人工又有關?我又唔明喎?

    死喇,啲人做乜咁鍾意兀人,話你係咁諗架喇,係咁諗架喇。

    哈哈,[寡欲只係逃避現實和美化自己性格嘅借口],高明呀高明,老子莊子,釋迦牟尼都要早抖喇。匿名你叻晒!

    回覆刪除
  18. laulong 你真係做教書o架 ?

    真係替班學生悲哀,不過又無得揀唯有俾你教,有趣!

    回覆刪除
  19. 哈哈.....


    唔好意思呀 Hana, 喺你地盤亂噏,幾時網聚去唱 K lu !

    回覆刪除

淡极始知花更艷,愁多焉得玉無痕。

Related Posts with Thumbnails