2009年2月10日 星期二

家庭和睦的硬件

說起來似乎很現實也膚淺,但卻是鐵一般的事實,家庭和睦最需要的硬件是空間。

因為亙聯網的興起,現今家庭成員在家庭裡比以往更需要一個可以獨處的空間。香港、臺北、上海,寸土呎金的,普通人家不會有幾仟乃至上萬呎樓上樓下的家居,但是如果你的孩子已經升讀中學,或者和單身的父母同住,無論如何請準備好一個可以鎖上門的房間給他/她,那房間哪怕小得只能放下單人床;哪怕是用木板間隔的一隅。

我們在報紙新聞裡看到的家庭暴力事件基本上都發生在居住條件狹窄擁擠的公屋或唐樓分租單位裡,高尚住宅裡鮮有夫婦、父子、兄弟、姐妹、母女…為了爭看電視、爭用電腦、爭洗手間…而大打出手繼而報警求助的。家庭成員間的空間夠大,家庭成員的基本生活設施夠齊全,不要說報警求助,就算是亙相爭斗至大打出手也不容易啊!

坊間很多人喜歡和有錢人比較,不是比有錢(因為沒得比)而是比快樂,總是喜歡說:「有錢人煩惱才多呢,比我們更不快樂!」其實決定人快樂和不快樂的主要因素是性格,和有沒有錢沒什麼關係。我不知道有錢人究竟是不是比我們普通人快樂或不樂,我只知道有錢人比窮人更容易避免和擺脫家庭成員間的摩擦和矛盾,至少可以保持表面上的和協不會動用到警察上門。

試想一下,晚飯後處於青春期的子女和父母吵,如果他沒有自己的房間,他走不掉,亙相都在氣頭上,越看越生氣、越看越火滾,大家都沒辦法冷靜下來,沖突隨時升級。或許有人會說那就去街上走走好了,要知道氣頭上的父母最容易說的是:「你走,走了就不要回來!」如果有自已的房間,生氣了回房間,'呯'的一聲鎖上門,打電話和同學訴苦也好,倒在床上痛哭流泣也好,有了消氣的時間,反省的空間。

和伴侶吵了,如果有私家車,開着車上高速公路,涼風一吹頭腦逐漸清醒,想想對方的好,總比呆在家裡困獸斗的好,因為很多女人氣頭上是要揪出男人鞭撻至無地容身而後快的,這個時候哪怕躲在洗手間也是沒用的,為了洗手間的門着想,還是趕緊上街吧!心情不好哪想面對群眾呢?私家車就是一個絕好的獨處空間。

我這樣說肯定會有衛道士走來說三道四的,什麼窮人就不能生孩子了嗎?我沒說不能啊!只是在現在這個供書教學全部要靠自己的時代,負擔不起生少點總可以吧!

當然凡事光有硬件徒有其表是不行的,下一篇再來說說"家庭和睦的軟件"。

24 則留言:

  1. >>你走,走了就不要回來!」
    我好似有講過喎!!

    回覆刪除
  2. 非常贊成你的說法. 我跟我的丈夫結婚至今甚少有爭執, 原因是我們有工人, 不用分擔家務, 而且家裡空間大, 在家可以靜靜地各自做自己的事, 睡在同一張床不會打擾對方, 還有兩所洗手間, 各自為政, 沒有爭用洗手間的問題. 在這樣的環境下, 我們相處非常融洽. 我媽以前都說過, 貧賤夫妻百事哀, 這是鐵一般的事實, 所以我們要努力地維持現在的生活水平.

    回覆刪除
  3. 靚女六歲, 同我地有爭拗 (通常係食糖睇dvd)不開心, 都會自己走回房中冷靜。

    現在香港大多數家庭都有房間(或者間成房間的條件), 所以說沒有冷靜空間, 倒不如說他們不讓自己冷靜下來。

    不同意hana的地方, 是房間不要有鎖。有朋友的侄兒在家燒炭死, 當時全家人在家,卻沒人發覺, 太隨便上鎖, 關係就太易變得冷漠, 死左都冇人知。

    回覆刪除
  4. 緩衝空間真是好重要,可以讓自己冷靜下來;

    上次我同事開車, 撞到衝紅燈的踩單車的人, 我想說他就是剛跟老婆吵完架
    (現在想番都好驚)

    個人觀點, 狀態不好的時候還是不要開車比較好, 費事累己累人

    回覆刪除
  5. 有道理。錢,雖不可以話萬能,但都好幾乎係萬能,食要錢,住要錢,睇醫生要錢,就算而家 reply 都要部電腦,也要上網,所有嘢,都係錢,就算唔不定要好多,但無可能不談錢。


    屋企細,一家七口,老實講,細路仔還好,一到發育年齡,阿哥家姐細佬妹,一齊迫,真係唔方便,以前年代生活較為簡單,好似無乜嘢,但而家?電腦時代、資訊時代、人嘅眼界好闊,少年早熟,諗嘢多多,要迫埋一齊,想和諧都難。

    住舊樓好些,舊得來都叫做有地方,家人的和諧又會好一點,而子女數目適中,少一點人,又會好一點,這道理不難理解的。


    其實,唔係話『窮人不應生孩子』,是量力而為,眼見新移民因大陸一孩政策,一到香港就生七、八個,生咁多,又唔係有錢過人,屋企又唔係多地方過人,生咁多為乜呢?


    好嘢!道德高地獅子山下人士又嚟大道理喇,睇見『黃家衛』電影五六十年代好浪漫啊~ 、好有 mood 啊,又嚟『集體回憶』、又嚟『天棚玩公仔紙』、『阿媽穿膠花好得意啊』、『阿爸幫人做木工賺到兩蚊啊』、『捱麵包皮胃出血好型啊』、『幫樓下阿昌叔開檔幫補家計啊』,沒有當年的苦不能成大器啊,好勁啊。

    屁話,上左岸嘅人,叫而家窮嘅人吃苦成大器,同隔山觀火拍手掌係無分別,窮人就係窮,捱係無辦法,但唔代表窮人好想捱。

    回覆刪除
  6. >>上左岸嘅人,叫而家窮嘅人吃苦成大器...

    自己都係挨過極窮,因70年代時來港不夠兩年,連徙置區都無資料入住。一家幾口逼進不夠一百呎嘅房間。我不是說要挨窮才成大器,但這樣子底下長大的孩童真不是一樣。可吃苦、懂人情、為未來、尋長進、知孝順‧‧‧等等!

    當然若其父母亦為知命人,不擅思變,自覺貧窮或安分是應該的,那些小孩亦大器有限!他們更注定世代為窮!(香港現時有很多呀)

    所以您自己貧窮是您長輩家教、自我進取的問題,他人亦可能只是好心給予意見。

    >>但唔代表窮人好想捱...
    更加要自己想辦法脫貧啦,還展望天掉下來的嗎?

    回覆刪除
  7. 現在的社會形態是不一樣的,以前生活較為簡單,社會風氣較為單純,生活窮的確令不少人產生刻苦和上進的美德。

    但現在不同,簡單例如以前電視劇會教人節儉和守望相助,但現在最紅的劇集是『溏心風暴』和『珠光寶氣』。

    現在做小孩子是很複雜的一回事,名牌效應、尖子效應、入讀名校舖路,因為你不入有名望的學校,已注定未來係咁先。讀書還要名牌補習、一切一切都是為『中產或以上家庭』而設計,窮一點的人已沒多少選擇。

    脫貧是很有理想和抱負的想法,照道理是應該,但目前香港社會形態,你有抱負想脫貧,也未必能做到,單是你住在天水圍,連去找工作也非常難,連工作機會也不多,點脫貧?唔係佢地唔想做,而係外區的老闆一見你係得咁 Q 遠,已經唔想請你,問你死未。

    從政府標榜香港是金融中心來說,已看不到政府有心顧及窮人境況,窮人空有抱負,也要有社會的扶助才有可為的。

    你想做小生意自食其力? Sorry ,租了舖,正當有生意時,就瘋狂加租,你就玩完了,只有大集團包起來做,今時今日,你做舖頭仔絕非易事。

    是否這些人又是沒有抱負?

    回覆刪除
  8. 行行:呀?你同邊個講吖?


    MM:你好幸運。


    篤篤篤撐 :耶,你就話生女遮,冇鎖?人哋個仔點單手上網遮?

    依加總有為數唔少嘅公屋和等緊上樓嘅家庭冇一人一房!(如果入咗阿媽間房,你諗下...總大劑...)

    Jean ,如果係咁佢淨係得P牌嘅資格喎!我哋哩啲老司機除咗酒精其他野好難夥響到駕駛狀態!當然情緒實在不穩定的話,齋坐係車度聽下音樂會好啲。

    回覆刪除
  9. 小瓶子 :嘿嘿,見你寫兩個電視一部電腦各自為政有感而發吖!

    校長:你係咪話我吖?

    回覆刪除
  10. 其實辦公室一樣如是,有洗手間呢個位置,等打工仔女可以有個透氣位抖一抖﹙好似有套外國電視劇都係講呢樣嘢的﹚

    回覆刪除
  11. 梗係喇,唔通話 2009年2月10日 下午 8:56
    嗰個阿匿咩!

    回覆刪除
  12. 邊個敢受阿劉校長讚呀,受得劉校長讚,真係諗過先 ~~

    回覆刪除
  13. 人哋個仔點單手上網遮?
    >>>
    艾國新出品, 可以套住睇dvd, 個套之2可以跟住hamwet 電影內容郁動, 雙手玩乜都得...kakaka

    回覆刪除
  14. 依加總有為數唔少嘅公屋和等緊上樓嘅家庭冇一人一房
    >>>公屋就一定可以間到房, 1-2人單位都得, 當然, 住板間房果d就難。

    回覆刪除
  15. 真係好啱, 一個獨處既空間真係好重要。

    回覆刪除
  16. 妳講緊嘅硬件其實會唔會係一個字:「錢」呢?

    要置一個有緩衝空間嘅屋企, 冇能力買間起碼兩房一廳嘅樓, 又會唔會有所謂「緩衝空間」呢? 你知唔知依家仲有多少家庭係三四五個人住一房一廳(什至只係一間套房), 仲要豆腐潤咁細? 咁呢d家庭, 係咪相處唔和睦係佢地抵死?
    伴侶吵架, 其中一方想開個快車兜兜風散心, 冇錢又何來買架車兜兜風呢?
    這些, 如果作者你可以分析一下, 我相信我絕對會學到嘢。

    誰不知人與人之間相處, 「空間」係好重要? 但, 有頭髮邊個想做"喇哩"?

    我只係覺得, 你呢篇文嘅表達/例子, 完全說服唔到我, 而且對冇能力為家人愛侶建立充裕的「緩衝空間」的那些人,好似有d唔fair。

    我諗你原意係唔想乜都講到去錢, 咁, 或者係你表達方式對唔正你「空間」果個point...。

    希望作者分析討論下。

    回覆刪除
  17. 我會上廁所。

    阿包也是。

    廚神去廚房囉。

    哈﹗

    回覆刪除
  18. > 我不知道有錢人究竟是不是比我們普通人快樂或不樂,我只知道有錢人比窮人更容易避免和擺脫家庭成員間的摩擦和矛盾,至少可以保持表面上的和協不會動用到警察上門。

    好明顯, 作者嘅主旨係話:
    有錢人比窮人「更容易」避免和擺脫家庭成員間的摩擦和矛盾

    如果唔同意, 認為有錢人比窮人「唔係更容易」避免和擺脫家庭成員間的摩擦和矛盾, 可以舉例及提供理據反駁, 並唔係用「有頭髮邊個想做喇哩」去混淆視線.

    譬如我話屋企有電腦用的孩子比無電腦用的孩子更容易接收到社會資訊, 因為......

    如果唔同意, 可以提供理據反駁, 例如屋企無電腦用的孩子可以去圖書館上網/借閱報紙/收看電視新聞等等... 並唔係用「有頭髮邊個想做喇哩」, 「你這種說法是不是說無電腦用的孩子抵死」以及「這個說法對無電腦用的孩子唔fair」等等悔氣說話嚟反擊.

    看來, 匿名的理解力對唔正作者個主旨.

    回覆刪除
  19. 火鶴,

    "如果唔同意, 認為有錢人比窮人「唔係更容易」避免和擺脫家庭成員間的摩擦和矛盾, 可以舉例及提供理據反駁, 並唔係用「有頭髮邊個想做喇哩」去混淆視線."

    我一開始既論點已經係「錢」, 所以我絕對認同作者所講的"有錢人比窮人「更容易」避免和擺脫家庭成員間的摩擦和矛盾", 所以, 「好明顯, 作者嘅主旨係話: 有錢人比窮人「更容易」避免和擺脫家庭成員間的摩擦和矛盾」, 多謝喎, 我絕對收到, 亦完全唔明你點會理解成"我認為有錢人比窮人「唔係更容易」避免和擺脫家庭成員間的摩擦和矛盾"。看來火鶴對本人之前所講既論點的理解, 有點點偏差。

    我覺得作者俾既例子, 全部最終都係帶到「錢」既問題, 作者所講既「空間」, 都係要用錢買回來, 我覺得唔夠深入。所以, 我認為如果作者要用呢d例子, 起碼一開始應該先將論點先放响「錢」, 然後才由「錢」帶到「空間」一說。

    人與人之間相處需要「空間」, 並唔係單純話雙方吵架時可以有地方隔一隔、或青少年手淫時可以避過父母兄弟姊妹的視線避免尷尬等; 所謂的「空間」, 係要雙方識得在適當的時間, 給予對方獨處的機會, 令對方有自由去做自己想做的事, 而非處處遭受束綁。
    (唔係淨係話有間房做自己嘢就得架喎? 例如我同家人同住, 我自己都有間可上鎖的房啦, 但家規係房間不得鎖上喎? 咁佢地又好興敲一下門唔理我有冇應, 就一下子猛地衝入黎喇喎? 我真係成日俾佢地嚇爆。所以, 有間房, 冇尊重, 冇信任, 咁又點?)

    好啦, 舉例。 很多父母面對子女進入青少年(什至成年), 仍然抱住佢地對小孩子的一套做法, 唔識得幾時放手, 俾子女去學習建立自己, 而其實青少年最需要的, 就係呢種「空間」。呢一種「空間」係象徵一種「自由」, 佢地需要得到父母對佢地嘅信任, 同埋某程度上的自主權去學習成長, 而唔係好似兒時過份保護、什至係束綁等。同一道理亦可放在夫婦關係上。

    或者, 作者所講的「空間」, 係有「形」的空間, 而且係在吋金呎土的地球村上, 需要用錢換回來的;
    而我所講的「空間」, 係無「形」的空間, 象徵一種深層的意義。

    又, 我不得不說, 我對火鶴的用字「反擊」非常反感。讀者的個別攻擊我可以不理, 而作者暫時未回應討論, 但如果作者容不下不同的意見, 認為我提出另一種論調等於「反擊」她, 咁呢個blog唔睇都罷。

    (P.S. 見到火鶴的評論, 忽然不想再做匿名人士, 俾意見俾得不光不明不正不大的。)

    回覆刪除
  20. 仲有, 「混淆視線」令人反感。I think I've made my point very clear, 就係錢, 你收唔到, 唔可以話係我「混淆視線」囉。

    畫公仔畫出腸的話, 意思就係:

    前提係作者話大家同住, 各人都有間房就最好啦。

    根據呢個前提, 於是「有頭髮邊個想做"喇哩"?」就係解讀成: 「有錢邊個唔想買間大少少的屋, 要多d"空間"?」

    明未?
    咁, 根據呢個論點, 有唔同意見又可以再提出來討論呀。我真係冇攻擊作者的意思囉。

    回覆刪除
  21. wa, so popular here, I have missed the show.....

    回覆刪除
  22. 我超超超認同!!!
    因為我是過來人,我亦同好多人傾過呢個問題,空間細,自然磨擦多,爭廁所,爭看電視先是哎交,繼而動手,新聞都報導得多啦。

    回覆刪除

淡极始知花更艷,愁多焉得玉無痕。

Related Posts with Thumbnails