2009年2月21日 星期六

相當抵食?

頭條網- 即上米珠蓮Blog切磋食力個米珠蓮今日係頭條日報推介日本第一的宇都宮餃子,在賣相非常誘人的餃子(正常sizs)圖片旁有句咁嘅旁白:「......平均不過$8一件,相當抵食!」

宇都宮餃子确係幾好食,我都會話相當好食嘅,但以為食又慳家的個性絕對唔認$8一件係抵食。$45/6件,最少12件先夠啦!男士就需要更多哩,百來蚊食急凍餃子,我點都唔會話相當抵食。而頭條係一份免費報紙,唔知有幾多個讀者會認同佢呢?

11 則留言:

  1. 真正抵食($2/件)果D又排晒長龍, 想食都無得食.

    回覆刪除
  2. 大姐你唔知"鱔稿"一詞正是起源於報紙寫食評? =P

    回覆刪除
  3. 頭條呢份報紙小詩朝朝返學路過而不接。免費報紙係要收多D鱔稿錢廣告錢先生存到,內容真真假假仲要費神分辨,我不如開開心心睇Hana姐姐個扑。

    回覆刪除
  4. 貴啊!餃子又不是什麼矜貴野,就算女仔謂口細都食6隻啊!$48仲未必夠飽!
    餃子通常自家包,便宜又好吃.

    回覆刪除
  5. 我就梗係話唔抵啦!食左會飛咩!

    雖然人人嘅價值觀唔同,平貴嘅標準唔一樣,但係都最好先以一般標準去衡量,然後以恰當嘅表達方法話俾人知道喺某一啲條件底下,果樣貨品都唔算貴喇。如果乜都唔講,淨係大叫好抵,就會俾人覺得係晒命、演嘢多過其他囉。

    我好鍾意食餃子架!不過好耐冇自己包過嚕,自己包就最好食。^_

    回覆刪除
  6. 我也認為好食,但又不至於形容中『好抵食』...

    那些什麼專欄,有時吹捧得太犀利。

    真正『抵食』,是應該既好食得來又價錢便宜,或合理。價錢平但非常難吃的,只能說『好平』,但不值得再光顧,以免嘴巴受罪。

    而很好吃又貴到飛起的,又只能說『預左』,不能稱得上抵食。前港督彭定康『表演吃蛋撻』的餅店,蛋撻竟然賣 $ 9 一個!

    但我個人評價,味道只能說『幾好食囉,都幾OK嘅,甜左啲...』這樣,但九蚊個喎。

    我覺得唔值,不是買不買得起的問題,九蚊雞一定買得起,但覺得唔值。

    有時候,皆因太多食肆太難吃,少數比較『入得口』的店,便會驚為天人...

    回覆刪除
  7. 現在很多所謂飲食專欄或所謂『介紹美食』文章,很多已屬於收了廣告費的推銷,或者是由一些『食開即食麵 / 麥記 / KFC』的新潮人,總之見到少許特別的店,便會吹捧,同時又想顯示自己像個『食家』。

    我見過有些專欄,介紹麻棘火窩,只說『好勁呀,勁棘呀,嘩流眼淚喇』這樣,喂,話明麻棘火窩梗係棘啦,唔通甜咩。

    但如果一個棘火窩,只談『夠唔夠棘』來品評好不好吃,已經不看也罷,等於說『呢杯雪糕夠凍,好正囉』,是一樣的廢話。

    如果 $8 件餃子被評為『好抵食』,其實『福臨門』的『小點』都$50 一款,都可以話好抵食㗎,五十蚊之嘛,嘩好抵食呀。

    ............

    回覆刪除
  8. 火鶴 :咪係。

    老人 :我知,但都應該寫好啲吖嘛!膳稿都可以寫得唔似膳稿嘛!如果我係餃子的老闆會認為佢倒米多啲囉。

    回覆刪除
  9. 詩白爾 :我都少睇,不過今日咁啱睇到囉!

    小朱:我中意自己包上海雲吞,好好味!

    匿名:泰昌蛋撻5蚊遮喎!

    哩啲文字功夫真係差到极,唔明點解會有人請囉!

    回覆刪除
  10. 娜姐,o係日本食餃子係因為日本餃子平,又飽肚,又同時有菜有肉又有飯,(日本人用餃子送飯)所以先至食,而唔係因為佢好食

    回覆刪除
  11. 我係日本住過兩年吖。

    回覆刪除

淡极始知花更艷,愁多焉得玉無痕。

Related Posts with Thumbnails