2009年2月20日 星期五

這真的是香港?!

有些人在勸說別人想開些的時候會說不要去和別人比較,過自己的日子就好,我卻是不以為然的。人怎麼樣才會知足呢?是比較,比較下來發現自己比上不足比下有餘,然後才懂得知是。沒有比較如何懂得知足呢?因為根本不會知道何為好?什麼是差。

今天零晨去紅磡觀音廟借庫(我是半個神婆!),第三年去借庫已經變成熟手技工了,懂得零晨四點多才去,這個時間人最少。
車子泊在相同的住置,走的時候居然親眼目睹天光墟。

橫跨幾個街道的天光令我不勝感慨,前兩年都沒有看到這些地攤呀,難道金融海嘯也影響到社會最低層了嗎?
身歷其境看着這些自稱之為垃圾的物件有人賣也有人買,那種振憾絕非筆墨可以形容,所以我自覺幸運、幸福,正在觀看敝博的你,請相信,你也很幸福。

43 則留言:

  1. 近十年是有反彈冇升市,大姐認為香港今日仲係經濟繁榮地區麼?

    (當然有錢既人依然好有錢,不過酒肉臭的朱門少,凍死骨就愈來愈多!)

    回覆刪除
  2. 唉?!連中六合彩頭獎只得50幾萬
    唔知叫幸福定唔幸福?!

    回覆刪除
  3. 其實這地檔一直都存在,曾住黃埔啊!祇是最近越擺越多,有些是年青新移民散貨,頗有特色,當然老人家亦不少...
    社會上都是由不同個體所合成,有貧有富...惜福之中能多作善事便好了,以香港的徵稅%褔利巳可以...尤其醫療更比不比歐洲差!

    回覆刪除
  4. 我想很多時人家勸說我們不要去和別人比較,意思並非真的要我們完全漠視我們周遭的真實,而是提醒我們要認知到現實之後,要懂得分析情況,從而思考、尋求出恰當的處人與自處的道理和方法。

    很多時候,要理解說話與文字的真正意思,我會經常提醒自己盡量避免單看表面或者斷章演繹,這是鍛鍊自己的客觀思維其中的一個方法。

    話說回頭,現實裡面,也的確有一些人自以為不去"比較",就是甚麼都不理,那就是知足,其實是不思上進。

    回覆刪除
  5. 我唔記得SARS時有冇如斯情景,但今次感覺更差更無助,因SARS is only a matter of time it would end, but for containing the spread of the disease, now we may look for a number of years.

    回覆刪除
  6. 老人 :唉...啲野總差過我賣去巴西果啲一百倍!


    卡臣:雖然離譜啲,但都應該感恩,咁嘅時世都算幸福啦!

    3耳:可能我冇睇勻哂啦!眼見嘅都係'垃圾'。

    小朱:我說的是有些人呀。

    oz ,歡迎光臨!哩次真係有排搞吖!

    回覆刪除
  7. 嗯,人好復雜的。
    好的時候,總覺自己不夠好;不好的時候,除了當下的怨天怨地怨世界,冷靜後又很多時會自覺比很多人幸運。乍聽下去是很犯賤,但這是事實呵。
    一世人流流長,總有make錯decision既時候。人總要向前望啊。
    肯出來擺地攤,我看他們已比明明有能力賺錢卻只會攤大手掌要政府養的綜緩垃圾強。
    逆境求生,都係靠自己,比起憐憫同自傷,我更尊重呢班人即意志同勇氣。

    同時感恩,你同我,都是較幸運的一群。

    回覆刪除
  8. 紅磡的天光墟存在已久,而其他地區尤其是舊區,也有不同的天光墟,其實都是一些人拾些雜物和垃圾,是真正的垃圾,然後拿去賣,而買的人,都是附近街坊,都是極窮的人。

    天光墟的罐頭,都是店舖掉出來的過期貨,其實已經無價值,但拾荒者會拾來賣,又真的會有人去買。一般來說,賣數元不等。

    但問題是那些窮人,當中有不少是沒什麼常識,不會知道什麼是『食用日期』,而有些天光墟的『貨品』,真是爛的電器、爛物,根本無用,但有些人又會買。

    有些貨品的售價,甚至頗為搵笨,但由於買的人一來沒常識,二來不會去其他店舖看價錢,於是以為天光墟正在賣平貨。

    窮人的窮,和窮人的無知,是一個因果關系。

    回覆刪除
  9. 噢,忘記了你這裡是不容許匿名。

    回覆刪除
  10. 娜姐:

    我今年都有去借庫. 不過看不到此情景. 好贊同"老鳥"講法, 我尊重呢班人, 起碼佢地會自力更生. 好過好多有手有腳都唔去做野既人.

    p.s. 我第一年去借, 封利是係咪放銀包??

    回覆刪除
  11. 老鳥 :係吖!我呢好識得自我安慰,比上我就認為自己都ok啦!比下就感恩咁囉!

    匿名:你說的极好/對,沒有不容許匿名,只是要管理,不想有人下下拖我個女落水,我驚我忍唔住揪個匿名出來x手x腳吖!哈哈哈!

    回覆刪除
  12. 行行:係吖袋足一年吖!包生菜和花生要煮咗食咗佢!支旗就對窗插成年。

    (盛惠廿皮唔該!)

    回覆刪除
  13. 天光墟好ar, 可€以方便以物易物。
    當然, 這裡的天光墟只是新移民老人家的散貨場, 好肴望將來都有其他唔同類的二手散貨場....

    其實, bow tie又話創造就業, 又話本土經濟, 不如諗諗搞多d天光墟, 好過搞搏士寄生虫...

    回覆刪除
  14. 講起就火滚,哩個政府勁低能。

    回覆刪除
  15. 學我老曹話齋,當有錢人唔食魚翅,中產飲少兩餐茶,窮人就無飯開喇嘛。而家連執紙板汽水罐都無利可圖,點到大家唔搵啲出路...

    回覆刪除
  16. 娜姐:

    唔該晒! 啊..支旗仔要對窗插成年?? 有d人就話放財位, 有d又話神"木台"...
    我梗聽你講呀!! 信者得救o麻!!

    回覆刪除
  17. 余若虛 :但係我真係唔覺得果啲野食得或者用得囉!有啲擺賣的老人家真係行動都不便喎!果頭果啲三、四拾歲後生仔攞綜援不斷生生生,政策真係好唔掂吖!

    行行:如果財位冇咩光又或者係廁所點算呢?所以我都係中意佢向陽吖!(都話我半桶水啦0

    回覆刪除
  18. 身歷其境看着這些自稱之為垃圾的物件有人賣也有人買,那種震憾絕非筆墨可以形容...

    Hana, 這就是一種精神的洗滌與陶鑄!

    回覆刪除
  19. 身歷其境看着這些自稱之為垃圾的物件有人賣也有人買,那種震憾絕非筆墨可以形容...

    Hana, 這就是一種精神的洗滌與陶鑄!

    回覆刪除
  20. 忘記了你要 scan 過。

    唉,做到頭溫腦脹!

    回覆刪除
  21. 娜姐:

    再一次唔該晒!! 睇完d 相,其實個心有d實.
    所以我不嬲都只講"做得無癮", 唔敢怨份工有d乜唔好, 呢個時勢, 有工做已經好好.

    回覆刪除
  22. 匿名者:
    看到下面這句話,"窮人的窮,和窮人的無知,是一個因果關系。" 我非常的惱怒, 很想罵你一句, 但忍住了。所以我嘗試用溫和一點的語調來說。

    窮跟無知並不是必然的, 他們想法中更多的是無奈, 當你處身於他們的境況, 也許會做更多別人認為愚蠢無知的事, 誰不知道哪裡有更高質素的食物, 那也叫無知嗎?

    回覆刪除
  23. 好好的一个地方. 经过十年之后变成这样, 真是无奈.

    回想自己00年回香港的时候, 真的没有现在差. 尽管那个时候是金融风暴过了不久.

    回覆刪除
  24. 校長:恭喜唔使食忘憂藥!hehe

    亦:車,咁先引到你留言?!

    Desertfox ,真係好振撼!

    回覆刪除
  25. 很明白你的感受。
    有時候,我也會因看到別人的遭遇而好好反思一下自己。
    例如,滿腦子常想賺多些錢,改善自己及父母的生活,偶爾更閃過一下羨慕不勞而獲的人……
    記得早陣子,在銅鑼灣,看到被火燒到傷殘的乞丐,內心很不舒服,總在想,這樣子的人生,活著還有意義嗎?
    看到露宿者,又會想,究竟發生什麼事,才會得到這樣的下場?
    然後,為自己擁有的衷心感恩,並提醒自己要更加努力及珍惜。
    一子錯, 滿盤皆落索,幸福非必然,共勉之。(對不起,胡說一堆,都不知想表達什麼)

    回覆刪除
  26. 我完全了解你想表達什麼,因為我也像你一樣。

    回覆刪除
  27. 嗯,雖然很虛無,還是想說:抱抱!

    回覆刪除
  28. 每一個地方都有天堂和地獄;我們的心都有!

    唉,好唔開心呀,所以有啲語無倫次,唔駛理我。

    另外,又多口喇:我估,此 "亦" 非 "亦" 吧(?)

    回覆刪除
  29. 哎唷,打漏字。應該係:

    此 "亦" 非彼 "亦" 吧(?)

    ~攬攬~

    回覆刪除
  30. 亦, 只有一個, 當然是我喇!

    你知我性格衰, 我唔想喺人地地方開戰之嘛.

    況且佢錯唔晒, 我只係唔滿意佢將窮同無知劃上等號啫, 正如一個人成為路宿者背後都可以有很多原因, 不嘗試去理解而隨便下判語, 都係非常唔公平嘅.

    Hana, 對不起, 一時忍不住胡言亂語, 其實我一直有過來看, 只係好少留言(如果你知我係邊個,大概都知道我一向都口臭架喇), 這邊打字不方便, 好易引起誤會.

    回覆刪除
  31. 我都以為此 "亦" 非彼 "亦" 吖.

    回覆刪除
  32. 哈哈!原來得我最了解此亦。

    回覆刪除
  33. 亦:

    >>亦, 只有一個, 當然是我喇!

    當然唔係只有一個 "亦" 啦!如果唔係我點會咁寫喎!!

    哈哈,我識嘅兩個 "亦" 照計都唔會隨便咁講嘅(只有一個, 當然是我喇!),哦,唔通有第三個亦?!

    回覆刪除
  34. 俾你地"亦"到我有啲暈...

    回覆刪除
  35. 原來係咁, 因為通常見到有相同名字的人我總是先避開, 免得混淆視聽, 哈哈哈, 我是得罪人多稱呼人少, 經常自以為是的張...亦, 那應該不是你們口中那個亦吧!

    回覆刪除
  36. 哈哈哈哈,嗱,我都話架喇!証明我眼利。

    回覆刪除
  37. 小朱好野!眼利!可惜我係盲嘅,咿,首歌應該對住你唱...

    回覆刪除
  38. 唔係化? 彼"亦"先至係得罪人多稱呼人少果喎..

    回覆刪除
  39. Hana,你唔係盲,係忙(用普通話讀)啫,咁咪睇唔清楚囉。所以我見到就多口提提。
    真係幾夾喎,咁再唱多一次俾我聽啦,如果冇人反對嘅話。

    火鶴,我都同意你嘅講法,彼"亦"先至係呀。哈哈,唔知道佢而家有冇打乞嚏呢!

    回覆刪除
  40. 看來要在這邊留言得轉個別號了!

    拜拜, 走了!

    回覆刪除
  41. 天光墟銅鑼灣都有,我都行過,其實同鴨寮街d二手攤冇乜分別,有時見到d過癮的擺設,我都會買,也不覺得甚麼。當然,必須品就一定唔會幫襯啦。

    講到震撼,前日在街見到一個身光頸靚,二十上下既後生仔,在街檢破爛、剩飯,我直頭睇到呆左,心諗乜家下環境咁差,廿幾歲仔都要同七十歲呀伯爭飯食!

    核子寒冬,依家先剛開始呢。

    回覆刪除
  42. 我都覺得哩次冇咁快見底。

    回覆刪除

淡极始知花更艷,愁多焉得玉無痕。

Related Posts with Thumbnails