現在的女人ニ十多歲和三十多歲從外形上根本很難看得出來，如果我寫博是為了溝仔，想成為博客的萬人迷為何要寫到明自己是個三十多歲的中女？要知道ニ十到尾的女人說自己是中女跟三十多在說的，之間根本還有一道ニ字頭的優墙。理論上，如果我隱去年齡，博界那些比我細啲啲好像黑人 果種幽默、孝順的好仔我是不是也可以溝下呢(得唔得是另外一回事)？
男人永遠對制服有幻想，我曾經做過空姐對空姐的工作了如指掌，和機師拍過拖，學過揸飛機，對飛機的認識多過好多現役空姐，如果我話自己係空姐，係咪又會多啲仔溝呢？
我還一早擺明車馬告訴大家自己是母親的身份，單身寡仔都怕了我吧？怎麼還會對我綺夢呢？如果我寫博為溝仔，以上種種已經幫我自己倒哂米了。
而且我相信，好多係現實生活中得唔到嘅野先會想係網絡世界尋求，現實中我經好多人吼而且係 用家#唔係玩家*，要靚仔有靚仔，要有錢有有錢，咁總使乜寫博溝仔呢？
《哂命》
厭人富貴的人淨係睇到我寫鮑參翅肚，我寫著廿蚊件衫、用優惠券、入麥樂會又憎人貧起上來，斷章取義只取自己需要的來講。
點解我會寫揸車呢？睇咁多本地嘅博，記憶中就只有我同ebi 兩個女博架係揸車出入的，寫巴士、地鐵奇遇的博已經有好多，揸車的男博架又唔會好似女人咁寫揸車見聞。我寫揸車的文現在自己睇返都覺得有趣。
真係要哂命的話，我就應該狂約啲博架網聚，將我果紮名錶、卡卡聲的鑽石狂哂啦！
《上咗岸》
我唔否認話上咗岸係有今後都唔使憂兩餐的意思，但更多的是對世情的睇化。妒嫉邊個冇試過呢？但當一個人身家和心靈的財富越來越多的時候，佢會越來越少妒嫉，轉而化為欣賞或者當看不到，因為一個閱歷和經歷俱多的人會真真切切咁體會到每個人都有屬於佢自己的故事，有風光就會有陰霾；有歡笑就會有悲傷，爭在多少和你睇唔睇到格遮。#LKF果啲叫玩家，玩完就算。
*用家係戀想捧你返屋企日對夜對的人。
內外八字
厚道中的忍悛不已
.png)
.jpg)
發表文章
星期一一早,咁勞氣做乜?
回覆刪除不是「因為愛所以愛，絕對地我行我素，懶理別人或艷羨、或不屑、或嫉妒、或討厭的指指和點點」嗎??
咿，你覺得我勞氣吖？但我自己又唔覺喎！嘻嘻，寫得出哩啲總唔係我行我素吖？
回覆刪除我又唔覺娜姐勞氣, 只是近期娜姐blog 真係有d攪事人...
回覆刪除嗯,我錯了......
回覆刪除不過hana姐我覺得你各方面都好好呀,你好多想法我都好buy呀.寫blog本來就係以自己角度出發,別人如何傳譯也無所謂啊~~
點都好,我支持你啦~
願你每日都有好心情.
那祇是大家境界不同才有此差距,可能妳的blog多人來才有此攻擊性的留言,要知到人性是奇妙的憎人富貴懨人貧,於我來說無論如何也不能做到與每人和平交流更有一些談得來如咀形不合也沒法子,況且網上世界留個惡意comment又何其容易,現在妳有追蹤路線那些留言應該可過濾了吧。
回覆刪除花花的人生很精彩啊！
現在的人根本不會計算女方經歷,更有些是喜歡成熟女性那份穩重,體貼,細心,通情達理...中女好有市場!
噓, 美人,
回覆刪除傻嘅 !! 駛乜理啲自卑嘅 pk 人呀 !!
我一直都當寫博係要黎排洪嘅之嘛 !! 係啲黎睇又心理唔平衡嘅人自己過份嗟...
i) 《溝仔》: 邊個會用博黎溝人呀 ?? 完全不認識 = 風險系數極高 !! 現實中嘅人唔通唔理, 反而在虛幻的會較好 ???? 咩邏輯 !!
ii) 《哂命》: 吖, 我覺得分享個人喜愛嘅野, 很好呀 !! 莫非要像一些人永遠要寫屎人冧樓嘅野咩 !!!
iii) 《上咗岸》: 咪係 !! 唔憂兩餐都要眼紅, 咁證明係佢地自己自卑, 關開心人差事咩 !! 叫佢地自己努力, 又話環境無俾機會過佢地...我睇到佢地都眼冤, 候生仔／女怨天尤人、忿恨俗世...
所以不正常讀者嘅意圖 = 關人忍事 !! :D
嘿嘿, 心態未上岸哦
回覆刪除娜姐境界應該不會介意這種批評嘛
話實
近日大病留在家中
好彩有你個blog精采又成日update咋
3耳講得arm , 因為人多睇你先有人搞你....個blog
回覆刪除睇下我個blog, 人少少一家和氣, 想搵人搞都冇ar~~~
3耳:
回覆刪除>>中女好有市場!
係咪架?? 唔好呃我喎! hehe~
《溝仔》: 用個blog溝仔, 溝得黎都攤到凍曬, 仲有一出黎見而面, 隨時大失所望, 邊有人o甘蠢用blog溝仔 ?
回覆刪除曬命: 人人生活唔同, 寫blog就緊係寫自己生活, 唔通明明食緊米芝蓮3星都要扮食大快活, 搏大家有共鳴咩 ?(講食大快活, 又可能俾人話點解唔講食餸尾...)
《上咗岸》:點解上左岸唔可以寫blog ?
#LKF果啲叫玩家，玩完就算。
>>>我只係去過LKF飲BEER, 算唔算SIDE料 ?
唉!就係上左岸至得閒寫blog啊！我公司經理級上下都不可上普通網頁,連e-mail都check得好嚴...重知我時上網上留言,posting就係犯下死罪搏炒也,好彩我願意朝8晚七乍...
回覆刪除自由豬---中女當然有市場...看妳想要些什麼人.其實人揀妳妳揀人,如果吾係想生細路根本不用心急,人成熟了才會定性才知自己想要D乜?條路點走！
至於話用blog來結識異性,相信大有人在,亦有立心不良人士在網上欺財詐色,女性於網上透露自身家底其實勇氣可嘉.網上世界祇能神交,網聚試過不會失望那是另類的人生經驗,因為人太多幻想太完美主意,有希望才會失望,以平常心去面對就是.
覺得花花是真性情,獨立女性,愛護家人真好女人也,不是一般男人能襯得起!溝仔?太低層次了！
行行：係囉，輪都輪到我講野啦！
回覆刪除老鳥 ：咪傻啦！你何錯之有？你都係關心我啫。也願你每日都有好心情。
3耳：成熟的人睇野真係通透好多。
>中女好有市場!
係咪係？三張幾少啲了掛？
過客：咁我唔講粗口遮，識講道理格嘛！
tabo大口仔 ：我自己咁係唔介意啦！但俗語都有話禍不及妻兒吖嘛！拖埋我女落水同佢死過都得吖！
篤篤篤撐：我成日都聽人講話會貨不對辦！haha
3耳：多謝抬舉。抱抱！(啲人睇唔慣又會話我哋亙捧肉麻當有趣了)hehe
回覆刪除許冠文話兩公婆相處你氹下我我氹下你咁就一世了，計我話朋友、親人之間都應該係咁，唔通下下拆到橫講大道理咩？！
老姐:送你老兩句說話:
回覆刪除「豈能盡如人意,但求無愧於心」
對得住良知既他人講乜理Q佢!
(又湊下熱鬧先:如果我想溝女就唔叫自己老人、更唔話自己做會計啦! XD)
甘你觉得炒家又系乜呢?
回覆刪除我想做玩家, 可惜无条件.
應該溝得下，不過好可能係黑人真身又悶又窮，跟住令花姐姐對所有男blogger 失去信心就唔好啦
回覆刪除唔好上心，我復悠然！
回覆刪除Hana:
回覆刪除唔駛理其他人講咩，e個世界太多d咁既人，淨係識話人唔會諗下自己。
做自己喜歡做的事、寫自己想寫的東西，不用理會其他人，撐你！！！
無睇一輪...
回覆刪除多左好多人留言...
well，有人討厭即係代表有人鍾意
如果無人鍾意，d 人係唔會理你的...
所以，係好事黎:D
ps : 你睇我個扑幾靜...
回覆刪除鬼影都無隻...
覺唔覺得社會越來越兒化！好多人既思想同行為都不成熟，所以無里頭既批評不足怪也！
回覆刪除你這裡真熱鬧啊﹗
回覆刪除像連續劇要追看，哈，
不過我近排很忙，沒時間一一細讀。
雖然大家講了十萬次，
但還想留留言給你，
道不同不相為謀，
由得他繼續發up瘋，
因為無人會同白痴計較。
(我只是打比方，匿名人別剷爆我XD)
take it easy! 做甚麼都有人講架啦!
回覆刪除寫blog 我為娛己非娛人, 有咁多顧忌就不如唔寫喇~
嘻嘻嘻嘻嘻~~~
回覆刪除可能你會引埋個啲想玩人妻嗰啲變態佬
嘻嘻嘻嘻~
難得Hana你連鬧人都寫得咁好睇！哈~
回覆刪除若缺齋老人 ：我都係諗到咩就寫咩遮
回覆刪除小瓶子 ：炒家手臂粗囉！嘻嘻
黑人 ：車，三點話你ok喎！而且我都唔中意靚仔嘅，錢我又唔得多(要使嘅一早使突啦)，唯一唔夾係你細咗啲啲遮，早知我就唔話我幾多歲啦！哈哈！
校長：謝！
回覆刪除V，多謝！
億利 ：介唔介意我去搞事？hehe
Sunny Chow ，哩篇係想寫先寫出來嘅，一路寫我自己一路思考，感覺其實幾好！
小C妹：多謝哂！估唔到溫文的文都有丈義的一面。
imak 媽：多謝到訪，我好中意睇你寫格文。
鎚 鎚 ：嘻嘻嘻嘻嘻~~~
信唔信我用人妻果種feel打爆你個頭嗱！嘻嘻嘻嘻嘻~~~
大口仔 ：耶，幻覺來格遮，我邊有鬧人遮？*.^
Hana,
回覆刪除This is really an interesting way to get introduced to you. Well, I guess I understand you a bit more now.
Keep up the interesting blog entries.
加燦 ：咁寫會俾人話我串喎！hehe
回覆刪除精彩的不平則鳴。我沒寫博為溝仔wor...哈我算不算對號入座？
回覆刪除算算算，哈哈哈...咿，怎麼把幾年前的東東翻出來看呢？
回覆刪除