2010年3月17日 星期三

不要靚仔的理由

每次看到喜歡和靚仔拍拖戀愛的女生將「反正所有男人都會花心,那為甚麼不找個靚仔拍拖呢?」當作真理,我就會想這個女生不是太年輕就是從未真正擁有過靚仔。

先別說一個花心的靚仔和一個不靚仔的花心男人的极大差別,就是一個不花心的靚仔和普通樣貌的不花心男人都有很大差別了。

現代人都注重視覺享受,男人愛美女,女人一樣愛美男,有些女人一旦愛上甚麽,瘋狂程度比起男人有過之而無不及,而且既便是一厢情願也可以愈戰愈勇的。最要命的是這種女人一旦入迷,靚仔不選她不理睬她,她不會怪罪靚仔,而是遷怒於靚仔的女人。

戀愛原本是兩個人的事情,但靚仔身邊總有這種女人前仆後繼地圍繞,情景有點像兩個人相擁著接吻,不花心的靚仔專心致志地沉醉在愛情的醇酒中,而懷中的女人卻要騰出一手或一腳來揮去周圍的蒼蠅或者踢開一隻會咬人的哈吧狗。年輕的時候女人或者會覺得這種一邊戀愛一邊不斷地打敗對手的'游戲'很好玩,但是年紀大了,或許是因為體力不繼,不再好勝了,就會覺得和靚仔拍拖實在太累,曾經真正擁有過靚仔的女人大抵都不再會愛上靚仔,因為她們都只想心無旁騖哋談兩個人的戀愛,好讓兩個人可以靜靜的緊緊相擁。

有沒有想過「因為你太靚仔。」可以是拒絕的理由?

在春霧迷漫的時節,在一棵沒有花的雞旦花樹下,有個中女曾經這樣說過。

14 則留言:

  1. 和自持有點兒姿色而不願用腦的女人在一起更是危害健康。不是被激到心臟病死就是屈到生cancer死。

    回覆刪除
  2. 老麥 :嚇?學到乜野先?(點解我唔知?)

    易:乜咁早吖?唔使做?

    回覆刪除
  3. 小弟唔係靚仔, 但身邊都冇女仔會諗到呢樣野, 悲....

    回覆刪除
  4. 美麗被獵,計我話太靚仔太靚女都未必係福份。

    不貌醜就已經阿彌陀佛!

    回覆刪除
  5. 小弟又靚仔又專一,身邊仲未有過哈吧狗添
    我話女仔都係鐘意啲樣衰衰懶型膚淺都爆個啲自我中心男
    係個啲男,先會吸引倒啲靚靚膚淺表面女囉
    (野野講內涵既人,靚/型幾有限囉)

    回覆刪除
  6. 可惜其他女仔唔係咁睇,小弟的樣貌已令佢地雞飛狗走! XD

    回覆刪除
  7. 依加啲人將幾好樣同靚女混肴咗,其實幾好樣同靚女總有一段距離。就好似我咁啲人成日叫我靚女,我心入邊好清楚自己充其量係幾好樣罷了。

    翠翠你明唔明吖?

    (嗱嗱嗱,咪打面...)

    回覆刪除
  8. 我從小跟靚仔長大,對靚仔一點興趣也沒有。

    回覆刪除
  9. 讀食姐稀客喎!做靚仔的女人真係辛苦過打兩份工。

    回覆刪除
  10. 有沒有想過「因為你太靚仔。」可以是拒絕的理由?


    會吾會係對對方或對自己無信心呢...
    我現在認為"真愛"並不在一開始,而係在終於可以

    回覆刪除
  11. >"真愛"並不在一開始,而係在終於可以

    唉...你知唔知哩句說話累死好多癡男怨女?包括哩啲:

    「有些女人一旦愛上甚麽,瘋狂程度比起男人有過之而無不及,而且既便是一厢情願也可以愈戰愈勇的。最要命的是這種女人一旦入迷,靚仔不選她不理睬她,她不會怪罪靚仔,而是遷恕於靚仔的女人。」

    回覆刪除
  12. 嘻,這裡陰氣不足,我來搞鬼啫。

    回覆刪除
  13. 我在剛貼的post,“伸延閱讀”refer 了妳這文章,但我不識用“此文章的連結”,只 embed 了URL...

    回覆刪除

淡极始知花更艷,愁多焉得玉無痕。

Related Posts with Thumbnails