2010年3月6日 星期六

『豪俾你』要趁早

本來不想湊熱鬧,人寫我寫的,但看到小瓶子看了《中女告白》也說「身为中女, 正在结集豪得起的本事和本钱, 做个型女人.」忍不住想說說我的想法,因為片中最靚、最爽朗的Queenie一句『豪俾你』中毒的中女人數比我想像中要多得多。

我說的只是自己的想法,不是要糾正其他人,歡迎理性討論。

Queenie 说: 「不如嘗試我們多一點付出,不求回報,當作送一件禮物給對方。不但是對待愛情,這樣太狹窄,對朋友、對事、對所有的事、工作,你付出多一點,明知老闆不給加班費,不要緊,我做好這個project。人生是什麼?三個字:『豪俾你』。『豪俾你』嗰一刻,我覺得自己好鬼型!」

我認為因為男女生理構造的不同,無論面對工作還是愛情,女人的『豪俾你』是有時限的,要趁早,也就是越年輕其價值體現越高,也越能造就高回報。不要跟我說什麼只問付出不求回報,以人性觀點出發,只有付出沒有回報的事情并不能長時間的維持,除非人人都是德蘭修女(其實德蘭修女也是有回報的,她的回報是經她救助後那些兒童、貧民...的笑臉。)

蘭花的花期約一個月左右,初開至盛放索價最高,倘若已開花20天左右雖則依然美麗,但總能看出絲絲敗相,此時店家會降價出售。

大多數男人是以下半身思考的,以Queenie的條件十幾年前20來歲的『豪俾你』和現在38歲的『豪俾你』看在男人眼中,就是初開、盛放和將敗之蘭花。盛放的『豪俾你』真的是豪得很,會令男人受寵若驚、刻骨銘心,將敗之花豪,男人認為是應該的、合理的,沒什麼特別,遲來的『豪俾你』還會造就更多不介意和你同行一段路的男人出現。

要想在花期將盡之時都令自己身價不降,要做的不是『豪俾你』,而是鶴立雞群,是獨特,令想要你的人別無選擇。而『豪俾你』其實是青春的專利。

同樣道理,工作上三十多歲才來付出多一點,老闆不會認為你是『豪俾佢』的,只會認為到了這個年紀你別無選擇。因為如果你已經事業有成絕對不需要「明知老闆不給加班費,不要緊,我做好這個project的。」,因為你已經有自己的市場價值,有議價能力,每個project都有合理的回報,根本不必自降身價。

年輕就不同了,年輕人懂得『豪俾你』,肯「明知老闆不給加班費,不要緊,我做好這個project。」,老闆會認為你懂事、抵得諗、有前途...會給機會你,會想栽培你。

凡事要事半功倍或付出和回報成正比,時機是最重要的,對像其次。對女人來說『豪俾你』的最佳時機顯然不是30(歲)之後,這個時候才來『豪俾你』雖不至全軍覆沒,也絕對是事倍功半的事。

22 則留言:

  1. 哈...最大问题是年轻时年少气盛, 不懂得豪起佢的人生哲学, 到年老懂得时, 却豪不起了.

    我觉得 Queenie 所说的是, 凡事不要太计较, 就自然活得开心. 既然老板已经是老奉要加班, 而你又想做好份工, 与其不停埋怨, 倒不如调整心态, 不要与老板计较.

    男女关系一样, 既然自知青春不再, 如想觅得如意郎君就别再斤斤计较. 就如另一位 Yoko 所说, 其实她想要的只是精神上支持她, 其他的并不重要.

    回覆刪除
  2. Hana︰
    >>想在花期將盡之時都令自己身價不降,要做的不是『豪俾你』,而是鶴立雞群,是獨特,令想要你的人別無選擇。而『豪俾你』其實是青春的專利。

    妳真係好叻!我猜妳一如蘭花,別無他花可替代!

    回覆刪除
  3. Um...

    我自己會咁諗~

    "豪比你" 依一個係對人/做事自己的心態,
    目的唔係要得到別人的賞識, 而係當別人當你所做的全是"應份的"時候, 令自己重新拾回自己, 開心面對時候用的.

    回覆刪除
  4. 睇到好多人附和片中qunnie嘅瀟灑,但以我男仔嘅角度睇,覺得hana再對不過。我嘅比喻係超市d魚生,早上切出嚟嗰陣減價,我會覺得好抵,但收舖前d魚生真係送俾我都唔想要。

    又, 我覺得片中嘅女子都太著重於令自己外表吸引囉。我試圍觀自己身邊結咗婚嘅女性朋友,就覺得外表真係一個較細嘅factor。賣相再好嘅女性,都只會令男性想同佢瞓一晚,但結婚係要兩個人一世一齊瞓。由出發點開始根本就係錯哂。

    回覆刪除
  5. 投資感情,有邊個唔想得到最大回報,梗係想係最高價位放左佢,點知又唔熟知市價,結果貪字得個貧。

    回覆刪除
  6. Hana , 這文也顯出你的獨特喔!

    看影片中最靚、最爽朗的 Queenie 說那段話的時候,我都在點頭,但結尾時那句 "豪畀你" 卻很煞風景,那種自高自大和無奈,一點都不 "型", 還挺苦澀的!

    你提出了付出和回報要成正比,時機的重要, 那是受時間、機遇所限制,而與同輩或同條件的人一併, 顯出鶴立雞群,獨特,,則是細水長流,的確能令人有眼前一亮,別無選擇的感覺, 歸根究底是修養和眼界最重要。

    回覆刪除
  7. 阿花花呀,

    咪係咪係...『豪俾我』哇 ??!! 佢自己講就意為好好聽, 有啲事業嘅男人, 妳 (Q 小姐) 送我都唔要呀, 容乜易放狗咬掃把拍, 佢都唔肯走, 咪好大鑊 ??!! 如果我攞眾援嘅八, 好呀, 又唔見佢『豪俾我』, 得個講字 ??!!
    總之佢過晒優質保鮮期啦, 冇人認領, 仲意為自己很多 MARKET, 最慘到處講自己邊度打針去肉, 邊庶人做嘅...我呸 !! 要佢嗰個仲係正常男人咩 ??

    回覆刪除
  8. 你係少數真真正正可以話係 100% 完全透徹睇得明呢集嘅深層意思的觀眾。

    好明顯你無中毒。亦反映你一向都無中毒,所以今次都唔會忽然中毒。

    其實幾位被訪者亦唔係咩有真知卓見的人,觀點唔錯,但不至於有啟發性。

    例如有兩位大談愛情路波折,只係佢搭上有婦之夫,誰是誰非無謂爭論。

    四張嘢嚟緊話「豪俾你」,sorry,其實未必咁多人(男人)咁跪求稀罕佢嘅「豪」。

    那個男仔頭打扮嘅,話少女時喜歡型爆識飛車嘅靚仔,衰啲講句,阿小姐照照鏡先唔該,我諗「靚女」同佢風馬牛不相及,做人要自量,無咁大個頭唔好戴咁大....

    彭晴例子比較例外,佢有結婚,但離婚,同其他幾個幻想中女有啲不同。

    又例牌補充:以上純屬個人意見,並無權威性,不過在我嘅信念中,我會對我嘅立論頗有自信。

    回覆刪除
  9. >將敗之花豪,男人認為是應該的、合理的,沒什麼特別,遲來的『豪俾你』還會造就更多不介意和你同行一段路的男人出現。

    >其實德蘭修女也是有回報的,她的回報是經她救助後那些兒童、貧民...的笑臉。

    正面啲諗, 不理那男的是真情還是假意, 只要能看到他的笑臉, 自己也看到自己的笑臉, 那麼「豪俾你」又有什麼問題呢?

    >同樣道理,工作上三十多歲才來付出多一點,老闆不會認為你是『豪俾佢』的,只會認為到了這個年紀你別無選擇。

    所以, 我會直接/間接跟我的上司表達我係唔使等呢份工開飯的。我努力工作,只因我還未至於討厭呢份工, 唔同其他同事一齊hea係我俾面你, 如果佢覺得我嘅工作表現優於其他人的話,咁無咗我就係佢嘅損失,而唔係我無咗呢份工唔得。

    回覆刪除
  10. 一個特別的角度。

    關於"豪俾起"..投資對與錯,有時要事後先知,但不付出,又好似永遠得過桔..當然唔係奮不顧身,每人心裡都會有一盤數,不過做女的其實要保持明智(其實做男都係)。

    我反而留意彭晴尾段講對關係不得不慬慎個段。

    年歲最大的問題其實係生仔,早生早返回職場打併最好。我有些上司四十歲先生,真係有點辛苦,因為職高、責重和孩子小。

    P.S 樓上,我睇開Q 的blog,以女性心態出發, 打botox玻尿酸乜乜物物,真係冇乜太大反感。不過,我覺得片中另外一些受訪者,粧容對我來說是濃了點。

    回覆刪除
  11. 講真以Q小姐來說其實真係皮膚開始鬆馳,雖然佢keep得算ok,個樣勉強係電視機前叫做仲睇得下,但如果我要談戀愛都係搵個後生的好過!鐘意起來洗乜佢「豪」比我,費是給人話我搵佢著數,佢的覺悟太遲啦!以佢年紀應該找個五十歲失婚漢就差吾多,可惜就算五十歲的男人應該都係鐘意二零三十果停啦!

    回覆刪除
  12. 佛爺「大癲大肺」,都覺得花花此文有理,找不到地方來開玩笑。

    回覆刪除
  13. 我認20歲和30歲所做出來的工作質量又不一樣。當然我了解有些人30 歲,行徑有如5 歲。但在私人公司裏,老闆想買的是quality service,理論上正常的30歲員工做出來project 一定比20 歲初生之犢要好。

    有誰不想收到全部的愛?
    另外,我覺找尋愛情好比買股票,如果你只是因為短期bonus (美色、青春)而持有一隻股票,但到它發出profit warning 時就賣出去。沒錯,你的確是會在短期內有利潤,但出出入入不會累積到財富。炒家配炒家,價值投資者配價值投資者,只要弄清自己想做什麼人,再找到合適的市場就可以吸引到同類的人。

    回覆刪除
  14. 對極了!花花真是正到爆!

    回覆刪除
  15. 聽佢講話[豪俾你]嗰時我都覺得奇奇怪怪咁,你講出咗重點。好嘢!

    回覆刪除
  16. 豪俾你 can be looked from giver/receiver perspective.

    From the giver, 豪俾你 is determined by high percentage which she can give.
    From the receiver perspective,
    豪俾你 is measured by the absolute value perspective.

    The giver 豪俾你 is an admirable thing to do, but the act just don't address the issue of male's criteria of mate selection.

    It is a very sad condition, since i) mating game is so skewed favourablely towards males side.
    ii) from my/male perspective, it is good for individual bargaining power but as a whole, both male/female will lose.
    iii) I am not a woman, but I think the best way out individually is to be a bad woman, using tricks to entice for a higher chance to be married. from grehsam's law, bad money drives out good money. I think it is also can be said as bad women drive out good women.
    (but again collectively, as a whole all will lose)

    I also feel sad for myself to use so much of instrumental rationality to analyse one of the most fundamental desire/admirable quality of human -- love.

    Real option theory can be easily applied here too, for example. But, hey, we are talking existing human beings with fresh, sitting lonely at night, desiring the most intrinsic basic human need, but being trapped.

    I do admire 豪俾你,even may not be effective。 Nonetheless, the spirit should be respected and should be the right thing to do from ladies, especially when struggling in this
    skewed market. And tactically, the best thing to do to max out the chance.

    It is true that 豪俾你 should be done in a early age to max out the chances, but this also should apply to male side too.

    This mating market favors male.
    Right/Wrong attitude are independent on the market, I mean in the name of love, but practical acts are dependent on circumstances.

    Take two to Tango. always.

    回覆刪除
  17. "我觉得 Queenie 所说的是, 凡事不要太计较, 就自然活得开心. 既然老板已经是老奉要加班, 而你又想做好份工, 与其不停埋怨, 倒不如调整心态, 不要与老板计较."

    唔係咁嘅意思,並非指呢樣嘢,佢認為既然已屆中女,不如就「爽手啲」豪俾男人,佢先假設了男人個個都一定是很餓女人,也假設了市面上無乜女人可供選擇。

    佢舉加班為例,只係舉個比喻嗟。

    ---------------

    男女关系一样, 既然自知青春不再, 如想觅得如意郎君就别再斤斤计较. 就如另一位 Yoko 所说, 其实她想要的只是精神上支持她, 其他的并不重要...

    yoko 本身係搭上有婦之夫,如果男方完全隱瞞,當然是男人錯在先,但若果 yoko 都知對方有家室,又要搭上,yoko 都知自己做緊乜,就係參與拆散人地家庭,唔可以將自己捧上高地。

    佢話"只求精神上支持",相信只係悔氣說話。或者佢看化了。


    看一個節目要完整詳細地看,不要只聽 soundbite,要理解來龍去脈詳情。

    回覆刪除
  18. respect...

    but...how many girls understand this before they become ladies??

    明日後悔只恐已太遲。

    回覆刪除
  19. 假設佢哋後生時貌美如花,大把人豪畀佢哋,所以唔識珍惜。到咗某一個時間,無咗優勢,到時就知道錯。

    我自己反而諗多啲「三層樓經紀」,將以前「要成為最幸福嘅女人」嘅心態轉為「要佢成為最幸福嘅男人」。

    若果佢30歲前咁諗,命運又會變成點呢??

    回覆刪除
  20. Hana
    妳寫這類文章特別的精警!
    哈哈....我『豪』吾起啦!因為我都想別人『豪』比我。再者我好孤寒又真係有的手緊添!想做『豪』客都吾入流!

    回覆刪除
  21. 我不明白為什麼是[豪俾你]?
    我覺得互相尊重的相處會是禮尚往來.
    不是只有take,沒有give的.

    回覆刪除
  22. 豪畀你的性質,不是投資,而是倒錢落海。
    重點是要倒得開心,就已足夠。

    野孩子上

    回覆刪除

淡极始知花更艷,愁多焉得玉無痕。

Related Posts with Thumbnails